2. Kongebok 4 - Bibel 1938 - Bibelselskapet(Bibel1938)
Ei enkja kjem til Elisa og klagar seg; ho kann ikkje greida skuldi etter mannen sin, og no vil kravsmannen taka båe sønene hennar til trælar. Elisa gjer eit under: oljen i krukka hennar aukar so rikeleg at ho kann greida skuldi og endå hev mykje att, 1-7. Elisa gjester ei rik kone i Sunem, som tek vel i mot han; han lovar henne ein son um eit år, 8-16. Ho fær ein son, men etter nokre år vert han sjuk og døyr; ho leitar upp Elisa; han sender Gehasi, sveinen sin, og segjer han skal leggja staven hans på guten; men han vaknar ikkje; Elisa kjem og vekkjer han til liv, 17-37. Elisa gjer noko forgifta mat etande og mettar 100 mann med 20 byggbrød, 38-44.
1Enkja etter ein av profetsveinane ropa til Elisa: Mannen min hev døytt, herre - du veit sjølv att han var ein mann som hadde age for Herren - og no kjem ein som han stod i skuld til, og vil taka båe sønene mine til trælar.
2Elisa sa til henne: Kva kann eg gjera for deg? Seg meg kva du hev i huset! Ho svara: Eg hev ikkje anna i huset enn ei krukka med salve-olje, herre.
