Esekiel 44 - Bibel 1938 - Bibelselskapet(Bibel1938)

Herren forkynner profeten at den ytre porten åt heilagdomen mot aust skal vera stengd; men fyrsten yver folket skal hava lov til å halda offermåltid der, 1-3. Herren byd han å refsa folket, for di dei hev ført inn i templet slike som ikkje burde koma dit, og forbyd dei å gjera dette i framtidi, 4-9. For di levitane hev dyrka avgudar, skal dei berre hava dei ringaste tenestone i heilagdomen, medan Sadoks-sønene skal gjera prestetenesta, 10-16. Plikter og rettar som prestane hev, 17-31.

1So førde han meg attende til den ytre porten åt heilagdomen, den som snudde i aust; han var stengd.

2Og Herren sa til meg: Denne porten skal vera stengd og ikkje verta opna, og ingen skal ganga inn igjenom han; for Herren, Israels Gud, hev gjenge inn igjenom han, difor skal han vera stengd.

3Men fyrsten skal hava lov til å sitja der og halda måltid for Herrens åsyn; for han er fyrste. Han skal ganga inn igjenom forhalli i porten, og same vegen skal han ganga ut att.