Jeremia 27 - Bibel 1938 - Bibelselskapet(Bibel1938)

I den fyrste tidi som Sedekias styrer, segjer Herren til Jeremias at han skal binda åk på seg og senda dei til kongane yver grannefolki med bod um at Herren hev gjeve dei og folki deira i hendene på Babel-kongen, og manar dei til å gjeva seg inn under hans åk godviljugt og ikkje lata seg dåra av spåmennene sine, 1-11. Like eins manar profeten Sedekias og til å gjeva seg under Babel-kongen og ikkje høyra på dei falske profetane, 12-15, og han åtvarar prestane og folket mot å tru dei når dei forkynner at dei heilage gognene som var førde til Babel, snart skal koma attende til Jerusalem. Tvert imot skal jamvel dei gognene som vart att, verta flutte til Babel, og so skal dei alle koma attende i den tidi som Herren hev sett, 16-22.

1I den fyrste tidi som Sedekias, Josiasson var konge i Juda, kom dette ordet til Jeremias frå Herren:

2So sa Herren til meg: Gjer deg band og åk, og legg dei på nakken din!

3Send dei so til kongen i Edom og til kongen i Moab og til kongen yver Ammons-borni og til kongen i Tyrus og til kongen i Sidon med dei sendemennene som kjem til Jerusalem til Sedekias, Juda-kongen,

4og bed dei segja til herrane sine: So segjer Herren, allhers Gud, Israels Gud: So skal de segja til herrane dykkar:

5Eg hev gjort jordi, menneskja og dyri på jordi med mi store kraft og min strake arm, og eg gjev henne til den eg tykkjer er den rette.

6Og no hev eg gjeve alle desse landi i hendene på Nebukadnesar, Babel-kongen, tenaren min; jamvel dyri på marki hev eg gjeve han, so dei kann tena han.