Salmane 98 - Bibel 1938 - Bibelselskapet(Bibel1938)

Heile jordi skal prisa Herren av all si makt for di han kjem og vil frelsa sitt folk på underfull vis og døma heimen med rettferd, 1-9. - Salmen peikar fram mot og spår um Kristi koma.

1Ein salme. / Syng Herren ein ny song! For han hev gjort under; hans høgre hand og hans heilage arm hev hjelpt han.Sal 96,1; Jes 52,10; 59,16

2Herren hev kunngjort si frelsa, for augo på heidningane hev han openberra si rettferd.Luk 2,30-32

3Han hev kome i hug si miskunn og sin truskap mot Israels hus; alle heimsens endar hev set frelsa frå vår Gud.

4Ropa med gleda for Herren, all jordi, set i med fagnad og lovsong!Sal 96,1-6; 100,1

5Syng lov for Herren med citar, med citar og med lovsongs røyst,

6med lurar og basunklang! Ropa med frygd for kongen, Herren!

7Havet dure og alt som i det er, heimen og alle som i heimen bur!Sal 96,11-13

8Elvane klappe i hender, fjelli fagne seg alle saman

9for Herrens åsyn, for han kjem og vil døma jordi; han skal døma jordriket med rettferd og folki med rettvisa.