Jesaja 16 - Bibel 1938 - Bibelselskapet(Bibel1938)

Profeten uppmodar moabitane til å gjeva seg under Juda, 1. I si naud skal dei søkja hjelp hjå Juda; då skal ein mild og rettvis konge sitja trygt på kongsstolen der, 2-5. Ovmodet åt Moab er grunnen til at det gjeng under; undergangen vert skildra nøgjare, og det vert sagt at han kjem snart, 6-14.

1Send landsherren dei lamb han skal hava, frå Sela igjenom øydemarki til fjellet åt Sions dotter!

9Difor græt eg med Jaser yver Sibma-vintreet; med tårone mine vatnar eg deg, Hesbon, og deg, El'ale! For yver din frukthaust og din vinhaust slær fagnadrop ned.

10Gleda og fagnad kverv or aldehagane, og i vingardane høyrest ikkje gledesongar eller fagnadrop; ingen trakkar druvor i persone; fagnadropet let eg tagna.

11Difor bivrar mitt brjost for Moab som citarstrenger, og mitt hjarta for Kir-Heres.

13Dette er det ordet som Herren fordom tala mot Moab.4 Mos 24,17; Am 2,1-3

14Men no talar Herren so: Innan tri år - so som ein leigekar reknar åri - skal Moabs herlegdom vera lite vyrd, endå der er so mykje folk, og leivningen som er att, skal vera liten og vesal, ikkje mykje verd.