Jesaja 48 - Bibel 1938 - Bibelselskapet(Bibel1938)

Israel, som tilbed Herren, um ikkje med ærleg hug, skal høyra på det han vil segja det, etter di det er hans folk, 1.2. Han hev lenge fyreåt varsla kva som skulde koma, og so late det henda brått, so dei ikkje skulde segja det var avgudane som gjorde det, og han forkynner dei no noko nytt, so dei ikkje skal segja at dei veit det fyrr; for dei er eit hardt og svikfullt folk; berre for si eigi æra skuld er det han ikkje hev tynt dei, men vil halda sine lovnader, 3-11. Israel skal vita at det er han og ingen avgud som alt for lenge sidan hev varsla og sett i verk det som no er hendt og endå skal henda, at Kyros sigrar og gjer ende på Babel. No hev han sendt profeten sin med ein ny bodskap, 12-16. Gjev Israel vilde lyda på Herrens ord! Då skulde det få rik signing, 17-19. Herren vil i nåde føra det ut or Babel og vel igjenom øydemarki; men for dei ugudlege finst det ingen fred, 20-22.

1Høyr dette, de av Jakobs hus, de som er nemnde med Israels-namnet og hev runne or Judas kjelda, de som sver ved Herrens namn og prisar Israels Gud - men ikkje med sanning og rett!

3Dei fyrste hendingar hev eg forkynt for lenge sidan, or min munn gjekk dei ut, og eg kunngjorde dei; brått sette eg dei i verk, og dei kom.

4For di eg visste at du er hard, at nakken din er ei jarnsén, og panna di av kopar,

11For mi skuld, for mi skuld gjer eg det; for kor skulde eg tola at namnet mitt vert vanhelga? Og mi æra gjev eg ingen annan.

15Eg, eg hev tala; eg hev og kalla han, eg hev late han koma, og han hev lukka på ferdi.

16Kom hit til meg, høyr dette! Frå upphavet hev eg ikkje tala i løyndom; frå den tid det kom, då var eg der. Og no hev Herren, Israels Gud, sendt meg og sin Ande.

17So segjer Herren, utløysaren din, Israels Heilage: Eg er Herren din Gud, som lærer deg å gjera det som er deg til gagn, som leider deg på vegen du skal ganga.