4. Mosebok 3 - Bibel 1938 - Bibelselskapet(Bibel1938)

Ætti åt Aron, 1-4. Levitane vert gjevne til Aron og dei skal tena i tabernaklet, 5-10; dei skal høyra Herren til i staden for dei frumborne, 11-13. Moses mynstrar og tel dei etter Herrens fyresegn, 14-16. Ættegreinene deira vert upprekna, og det vert sagt kva arbeid kvar ættegrein skal hava i tabernaklet, og kor mange som er mynstra i kvar, 17-39. Alle frumborne karfolk i Israel vert mynstra, og dei som er yver talet på levitane, vert utløyste, 40-51.

1No skal me nemna ætti åt Aron og Moses som ho var den tid Herren tala til Moses på Sinaifjellet:

2Sønene hans Aron heitte Nadab - han var den eldste - og Abihu og Eleasar og Itamar.

32Den høgste hovdingen i Levi-ætti var Eleasar, son åt Aron, presten. Han hadde tilsynet med dei som gjorde alt som skulde gjerast i heilagdomen.4 Mos 4,16

33Til Merari høyrde Mahli-ætti og Musi-ætti; det var Merari-ættene.

34Då dei var mynstra, og alle karfolk yver ein månad gamle var innskrivne i manntalet, so var det seks tusund og tvo hundrad mann.

35Hovdingen yver Merari-ætti og greinene hennar var Suriel, son åt Abiha'il. Dei hadde lægret sitt på nordsida av tabernaklet.

36Det som Merari-sønene var sette til, det var å hava umsut med plankane i tabernaklet og tverrstengene og stolpane og stabbane og alt som høyrde til, og alt som skulde gjerast med det,

37og stolpane til fyregarden rundt ikring, med stabbane og pålane og togi som høyrde til.

38Framanfor tabernaklet, mot aust, midt framfor møtetjeldet, på solsida, der hadde Moses og Aron og sønene hans lægret sitt. Dei var det som bar umsut for alt som skulde gjerast i heilagdomen, alt som skulde gjerast for Israels-borni; kom ein framand innåt, so laut han lata livet.

39Dei som vart mynstra i Levi-ætti, dei som Moses og Aron mynstra, ætt for ætt, etter Herrens ord - alle karfolk yver ein månad gamle - var i alt tvo og tjuge tusund mann.

40Og Herren sa til Moses: Du skal mynstra alle frumborne karfolk av Israels-lyden som er yver ein månaden gamle og skriva dei inn i manntalet,

41og lat so meg, Herren, få levitane i staden for dei, og feet åt levitane i staden for alt det frumborne feet hjå Israels-borni.

42So mynstra Moses alle dei frumborne Israels-borni, som Herren hadde sagt han fyre.

43Og då han hadde skrive upp namni på alle frumborne karfolk som var yver ein månad gamle, og rekna dei i hop, so var talet tvo og tjuge tusund og tvo hundrad og tri og sytti.

44Då sa Herren til Moses:

45Tak levitane i staden for alle dei frumborne Israels-borni og feet åt levitane i staden for feet deira; og levitane skal høyra meg til, meg, Herren.

46Og i utløysnad for dei tvo hundrad og tri og sytti som det er fleire frumborne israelitar enn levitar,

47skal du taka fem sekel for kvar; dei skal du taka i heilag mynt, etter tjuge gera i sekelen,

48og pengane skal du gjeva til Aron og sønene hans i utløysnad for dei frumborne som er yver talet.

49So fekk Moses løysepengane for dei som var att av dei frumborne Israels-borni då dei hine var utløyste med levitane;

50av desse same frumborne Israels-borni fekk han pengane - det var eit tusund og tri hundrad og fem og seksti sekel i heilag mynt -

51og han gav dei til Aron og sønene hans etter Herrens ord; for so hadde Herren sagt han fyre.