1Crijcunata mandaj rucu cashpami, Dios agllashca paniguman, cambaj huahuacunamambash escribimuni. Ñucami, tucui shunguhuambacha cangunataca juyani. Na ñucalla juyanichu. Ashtahuangarin na llullashpa villajuj Shimita yachajushca crijcunapash, tucuicunami juyanajun.
2Na llullashpa villajuj Shimica, ñucanchipi causaita causaicaman ñucanchihuanmi canga.
3Taita Diospash, Taita Diospaj Churi Apunchi Jesucristopash ninan juyaita, llaquinata, casilla ali causaiguta cangunaman carachunmi munani. Na llullashpa villajuj Shimipi nijunshna, juyarishpa causanata carachun.
Cristo yachachishcatami, yariajlla causana canguichi4Cambaj huahua puracunamanda huaquingunataca, Taita Dios mandashcashna, na llullashpa villajuj Shimita catishpa causanajujtami ricurcani. Shinamandami, ninandapacha cushijurcani.
5Panigu, cunanga caigutallami ningapaj munani: “Caishujhuan chaishujhuan juyarinami canchi” nishpaca, nara mandashca shuj mushuj shimitaca na escribimunichu. Ashtahuangarin cri callari punllamandapacha, caitaca ña yachanchimi.
6“Juyarishpami causana canguichi” nishpa, Dios mandashca shimicunataca, pactachinami canchi. “Juyarishpami causana canguichi” nishcataca, cri callarishca punllamandapacha ña uyashcanguichimi.
7Llullashpa yachachijcunaca, ashtacacunami cai pachapica purinajun. Paicunaca: “Jesucristoca, na runa aichayu tucushpa shamurcachu” ninajunmi. Chashna nishpa llullashpa yachachijmi, Cristota fiñaj runa.
8Granota fucuchinshna canguna imatalla rurashcata ama chingachingapaca, aliguta yarishpa causanguichi. Ashtahuangarin Dios caranataca, tucuillatapacha japigrinata ashtahuan yaringuichi.
9Cristo yachachishcata na catishpa, miraihuan yachachij runaca, napacha Taita Dioshuanllu. Ashtahuangarin Cristo yachachishcata catij runami, Taita Dioshuambash, paipaj Churihuambash.
10Pipash cangunapajman cai yachachishcata na yachachingapaj shamujpica, huasipipash na chasquinachu canguichi. “¿Alillachu shamupangui?” nitallapash, na nininachu canguichi.
11Maijambash: “¿Alillachu shamupangui?” nishpaca, paishnallatami nalicunata rurajun.
Cangunapajman rinatami shuyajuni12Cangunaman escribinataca, ashtacatami charini. Papelpi, tintahuan escribishpalla yachachingapaca na munanichu. Ashtahuangarin cangunapajman rishpa, ñavi ñavi chimbapura parlanatami yariajuni. Cangunahuan ninanda cushijungapajmi, shina ringapaj munani.
13Dios agllashca cambaj ñañapaj huahuacunapash, candaca alillachu capangui ninajunmi. Shina cachun.
Who We AreWhat We EelieveWhat We Do
2025 by iamachristian.org,Inc All rights reserved.
