1Naamatita nishca Zofar shuti runaca, cashna nishpami tigrachirca:
2“Ninanda rimarijtaca, ¿nachu tigrachi ushanalla imatayari? Ninanda rimarij runaca, ¿ima nalitapash na rurashcachu ricuringa?
3Maitapash can rimashca shimicunaca, ¿runacunata upallayachingallachu? Can na cazushpa asijpica, ¿candaca nachu pipash pingaichinman?
4Canga: ‘Ñuca yachachishcapash alipachami. Cambaj ñavipica, mapa illajmi cani’ ninguimi.
5Taita Diosca, canhuan parlashpachari ali canman. Paipaj shimita pascashpa, canhuan parlashpami ali canman.
6Paica, pipash na yachashca ali yachaicunata canman villashpami ali canman. Chaicunaca, imata charishcacunatapash, chaupi yali cajtami ricuchinman. Chaita ricushpami, can nalita rurashcamandaca, Taita Diosca ashatalla llaquichijushcata yachanguiman.
7¿Canga, Taita Dios imatalla yarijushcataca, yachai ushanguichu imashi? ¿Tucuita Rurai Ushaj Diosmandaca, tucuita yachai ushanguillachu?
8Paica, jahua pachatapash yali jahuamanmi. ¿Imatashi rurai ushangui? Seoltapash yali ucumanmi. ¿Imashnashi rijsingui?
9Paica, cai pachatapash yali jatunmi, mama cuchatapash yali anchomi.
10Pai yalijushpa, prezu japishpa, imatalla rurashcata tapuchingapaj cayajpica, ¿pita jarcai ushangayari?
11Paica, yangalla runacunataca rijsinmi. Shinallata nalita rurajujtapash ricujunmi. ¿Chaita ricushpata, saquingallachu?
12Sacha burro, genteta ung:ui ushajpica, yangalla runapash, ali yuyaita japi ushanmanmi.
13Cambaj shunguta alichirishca cashpaca, cambaj maquitapash paipajman chutai ushanguimi.
14Cambaj maquihuan ima nalitapash rurajushpaca, shitashpa saquilla. Ima nalita ruranacuna cambaj huasipi tiachumbash, na saquinachu cangui.
15Shina causajushpami, mapa illaj ñavihuan vichai ricungui. Shina cashpaca, shinllipacha cashpami, imatapash na manllangui.
16Cambaj llaquicunatapash cunganguimi. Na cashpaca chai llaquitaca, yacu yalishcatashnami yaringui.
17Cambaj causaica, chaupi punllatapash yali punchapambami canga. Tutayashca cajpipash, tutamandashnami canga.
18Cambaj shuyana tiajpimi, chaita yariajlla causangui. Muyundita chapashpaca, imatapash na manllashpami puñungui.
19Puñungapaj can sirijpica, pipash na manllachingachu. Taucacunami, can ayudachun mañangapaj shamunajunga.
20Ashtahuangarin nalita rurajcunapaj ñavica, na ricui ushangachu. Paicunaca, maipi pacajunatapash na charingachu. Paicuna shuyajushcapash, tucuri samaita aisashpa huañunashnami canga” nijurcami.
Who We AreWhat We EelieveWhat We Do
2025 by iamachristian.org,Inc All rights reserved.
