1Israelcunaca, cashnami asha asha shamunajurca: Paicuna Egipto llactamanda llujshimushpaca, soldadocunashna shican shican tandanajushpami Moiseshuan, Aaronhuan pushamujpi shamunajurca.
2Maimanda israelcuna llujshishpapash, Mandaj Dios mandajpi imashna asha asha shamunajushcatami, Moisesca escribijurca. Israelcuna maimandalla llujshimushpa, asha asha shamushcacunaca cashnami:
3Israelcunaca, Egiptopi tiaj Ramesés shuti pueblomandaca, huata callari punda quillapimi, chunga picha punllapi llujshimurca. Pascua punlla micuita rurashca cayandi punllapica, paicunaca ninan shinllicunami, Egiptopi causajcuna ricujta llujshinajurca.
4Israelcuna shina llujshinajujpica, Egiptopi causajcunaca, punda ungushca paicunapaj jari huahuacunata, Mandaj Dios huañuchishcatami pambanajurca. Mandaj Diosca, paicunapaj dioscunatapashmi llaquichishca carca.
5Israelcunaca, Ramesés shuti pueblomanda llujshishpaca, Sucot shuti pushtupimi carpacunata shayachishpa tianajurca.
6Sucot shuti pushtumanda llujshishpaca, jichushca pamba callaripi tiaj Etam shuti pushtupimi, carpacunata shayachishpa tianajurca.
7Etam shuti pushtumanda llujshishpaca, Baal-zefón shuti pushtu chimba purapi tiaj Pi-hahirot shuti pushtu ladomanmi muyunajurca. Chaipica, Migdol shuti pushtu chimba purapimi, carpacunata shayachishpa tianajurca.
8Pi-hahirot shuti pushtumanda llujshishpaca, Puca Cuchata chimbashpami, jichushca pambaman chayarca. Etam shuti jichushca pambataca, quimsa punllata rishpami, Mara shuti pushtupi carpacunata shayachishpa tianajurca.
9Mara shuti pushtumanda llujshishpaca, chunga ishcai pugyucuna, canchis chunga palmera quirucuna tiaj Elim shuti pushtuman chayashpami, carpacunata chaipi shayachishpa tianajurca.
10Elim shuti pushtumanda llujshishpaca, Puca Cucha ladopimi carpacunata shayachishpa tianajurca.
11Puca Cucha ladomanda llujshishpaca, Sin nishca jichushca pambapimi, carpacunata shayachishpa tianajurca.
12Sin nishca jichushca pambamanda llujshishpaca, Dofca shuti pushtupimi, carpacunata shayachishpa tianajurca.
13Dofca shuti pushtumanda llujshishpaca, Alús shuti pushtupimi, carpacunata shayachishpa tianajurca.
14Alús shuti pushtumanda llujshishpaca, Refidim shuti pushtupimi, carpacunata shayachishpa tianajurca. Chaipica, gentecuna yacuta ufiangapaca na charircachu.
15Refidim shuti pushtumanda llujshishpaca, Sinaí shuti jichushca pambapimi, carpacunata shayachishpa tianajurca.
16Sinaí shuti jichushca pambamanda llujshishpaca, Kibrot-hataava shuti pushtupimi, carpacunata shayachishpa tianajurca.
17Kibrot-hataava shuti pushtumanda llujshishpaca, Hazerot shuti pushtupimi, carpacunata shayachishpa tianajurca.
18Hazerot shuti pushtumanda llujshishpaca, Ritma shuti pushtupimi, carpacunata shayachishpa tianajurca.
19Ritma shuti pushtumanda llujshishpaca, Rimón-peres shuti pambapimi, carpacunata shayachishpa tianajurca.
20Rimón-peres shuti pushtumanda llujshishpaca, Libna shuti pushtupimi, carpacunata shayachishpa tianajurca.
21Libna shuti pushtumanda llujshishpaca, Rissa shuti pushtupimi, carpacunata shayachishpa tianajurca.
22Rissa shuti pushtumanda llujshishpaca, Ceelata shuti pushtupimi, carpacunata shayachishpa tianajurca.
23Ceelata shuti pushtumanda llujshishpaca, Sefer shuti urcupimi, carpacunata shayachishpa tianajurca.
24Sefer shuti urcumanda llujshishpaca, Harada shuti pushtupimi, carpacunata shayachishpa tianajurca.
25Harada shuti pushtumanda llujshishpaca, Macelot shuti pushtupimi, carpacunata shayachishpa tianajurca.
26Macelot shuti pushtumanda llujshishpaca, Tahat shuti pushtupimi, carpacunata shayachishpa tianajurca.
27Tahat shuti pushtumanda llujshishpaca, Tara shuti pushtupimi, carpacunata shayachishpa tianajurca.
28Tara shuti pushtumanda llujshishpaca, Mitca shuti pushtupimi, carpacunata shayachishpa tianajurca.
29Mitca shuti pushtumanda llujshishpaca, Hasmona shuti pushtupimi, carpacunata shayachishpa tianajurca.
30Hasmona shuti pushtumanda llujshishpaca, Moserot shuti pushtupimi, carpacunata shayachishpa tianajurca.
31Moserot shuti pushtumanda llujshishpaca, Bene-jaacan shuti pushtupimi, carpacunata shayachishpa tianajurca.
32Bene-jaacan shuti pushtumanda llujshishpaca, Gidgad shuti urcupimi, carpacunata shayachishpa tianajurca.
33Gidgad shuti urcumanda llujshishpaca, Jotbata shuti pushtupimi, carpacunata shayachishpa tianajurca.
34Jotbata shuti pushtumanda llujshishpaca, Abrona shuti pushtupimi, carpacunata shayachishpa tianajurca.
35Abrona shuti pushtumanda llujshishpaca, Ezión-geber shuti pushtupimi, carpacunata shayachishpa tianajurca.
36Ezión-geber shuti pushtumanda llujshishpaca, Zin nishca jichushca pambapi tiaj Cades shuti pueblopimi, chai pueblo ladopi carpacunata shayachishpa tianajurca.
37Cades shuti pueblomanda llujshishpaca, Edom llactaman chimbanapi tiaj Hor shuti urcu ladopimi, carpacunata shayachishpa tianajurca.
38Chaipi cashpami Aarón shuti curaguca, Mandaj Dios mandashcashnallata, Hor shuti urcuman vichai llujshishpa chaipi huañurca. Israelcuna Egipto llactamanda llujshimushcapash, ña chuscu chunga huata tucujpimi, chai huatapaj picha quilla, callari punllapi paica huañurca.
39Aaronga, patsaj ishcai chunga quimsa huatata charishpami, Hor shuti urcupi huañurca.
40Canaán llactapi tiajuj Neguev llactapi tiaj Arad shuti pueblota jatun mandajca, israelcuna shamushcatami uyarca.
41Hor shuti urcumanda llujshishpaca, Zalmona shuti pushtupimi, carpacunata shayachishpa tianajurca.
42Zalmona shuti pushtumanda llujshishpaca, Punón shuti pushtupimi, carpacunata shayachishpa tianajurca.
43Punón shuti pushtumanda llujshishpaca, Obot shuti pushtupimi, carpacunata shayachishpa tianajurca.
44Obot shuti pushtumanda llujshishpaca, Ije-abarim shuti pushtupimi, carpacunata shayachishpa tianajurca.
45Ije-abarim shuti pushtumanda llujshishpaca, Dibón-gad shuti pushtupimi, Moab llacta lindero ladopi carpacunata shayachishpa tianajurca.
46Dibón-gad shuti pushtumanda llujshishpaca, Almón-diblataim shuti pushtupimi, carpacunata shayachishpa tianajurca.
47Almón-diblataim shuti pushtumanda llujshishpaca, Nebo shuti urcumanda indi llujshimuj ladoman tiaj Abarim shuti urcucunapimi, carpacunata shayachishpa tianajurca.
48Abarim shuti urcucunamanda llujshishpaca, Moab llactapi tiaj pambapimi, carpacunata shayachishpa tianajurca. Chaica, Jordán yacu manñapi tiaj Jericó shuti pueblo chimba purapimi.
49Ña tucuripica, Jordán yacu ladopimi, Bet-jesimot pueblomandaca, Abel-sitim shuti pueblocaman, Moab llacta pambacunapi carpacunata shayachishpa tianajurca.
Canaán llactata chaupishpami, linderocunata churashca50Jordán yacu ladopi Jericó pueblo chimba purapi tiaj Moab llacta pambacunapimi Mandaj Diosca, Moisesta cashna nijurca:
51“Israelcunaman, cashna nishpa villangui: ‘Jordán yacuta chimbashpa, Canaán llactaman yaicunguichi.
52Chaiman yaicushpaca, chai llactapi causajcunataca, cangunapaj ñaupajmanda tucuillata llujchishpa cachanguichi. Shinallata rumita rurashca, yanga dioscunata, jirruta yacuyachishpa imamambash rijchajta rurashca dioscunataca, tucuillata tucuchinguichi. Lomacunapi tiaj paicunapaj altarcunatapash, tucuillata tucuchinguichi.
53Chai llactapi causajcunata llujchishpa cachashpaca, chai llactapi causanguichilla. Chai llactataca, cangunapajpacha cachunmi cararcani.
54Alpacunataca, cangunapaj familiacuna mashna cashcashnallata, suerteta rurashpa chaupinguichi. Aillu purapi ashtacacuna cajpica, alpatapash ashtacata cunguichi. Ashalla aillu cajpica, ashatallata cunguichi. Maipi suerte urmajpipash, chaipimi alpata japinajunga. Paicunapaj ñaupa taitacuna mashna cashcashnallatami japinajunga.
55Chai llactapi causajcunata, cangunapaj ñaupajmanda na tucuillata llujchijpica, ñavipi ujsha yaicushcashna, vijsa quinraipi casha tujsijunshnami canga. Paicunami, canguna causanajuj llactapica cangunata llaquichinajunga.
56Shinallata paicunata imashna rurangapaj ñuca munashcashnallatami, cangunataca rurasha’ nishpa villangui” nijurcami.
Who We AreWhat We EelieveWhat We Do
2025 by iamachristian.org,Inc All rights reserved.
