1Llaquij cashcamanda, aliguta ricushpa
mandaj cashcamandami candajusha.
Mandaj Dioslla, canmanmi candasha.
2Can ñucapajman shamujpimi, ima pandatapash
na rurashpa causanataca yachasha.
Ñuca huasipi cashpapash, ñuca shungupica
imapash alitalla ruranata yariashpami purijusha.
3Imatapash nalita ruranataca,
tigrashpapash na ricushachu.
Diosmanda anchurishpa nalita
rurajcunataca millanayachinimi.
Paicuna puramandaca, pipash
ñucapajman na quimirimungachu.
4Jatun nali shungu runaca, ñucamanda anchuringami.
Nalita ruraj runataca, rijsitapash na rijsishachu.
5Paipaj cumbata, maijambash huashalla nalicachishpa
parlajtaca, ñucami tucuchisha.
Jariyashpa ricuj, nali shungu
runataca, na ricujushallachu.
6Ñuca ladopi causachunga, cai pachapi ali
cazushpa causajcunatami ricusha.
Ima pandatapash na rurashpa causajmi,
ñucataca servinga.
7Umachishpa quichuj runaca,
ñuca huasi ucupica napacha causangachu.
Llullashpa parlaj runaca, ñuca ñaupajpi
causaitaca napacha ushangachu.
8Diosta na manllaj, cai llactapi
causajcunataca, tutamandatami tucuchisha.
Nalita tucui rurajcunata, Mandaj Diospaj
pueblomanda tucuchingapajmi, chashna rurasha.
Who We AreWhat We EelieveWhat We Do
2025 by iamachristian.org,Inc All rights reserved.
