1Mandaj Dioslla, jatun mandajca
cambaj ushaihuanmi cushijun.
Can quishpichishcamandaca, ¡cashnamari cushijun!
2Paipaj shungu munashcatami, paiman rurashcangui.
Paipaj shimihuan mañashcatapash,
na mitsashpami cararcangui. Selah
3Paitaca, ashtaca alicunahuanmi
tuparingapaj llujshircangui.
Umapipash, ashtahuan ali oro
coronatami churachircangui.
4Causaita mañajpipash, causaitapash curcanguillami.
Causaita causachunmi, ashtaca huatacunata curcangui.
5Can paita quishpichishpami,
punchapambagumi cangui nircangui.
Alicachi tucunatapash, jatun
canatapashmi paiman curcangui.
6Paitaca, causaita causaipajmi bendiciarcangui.
Can paihuan cashpami, ninanda cushichircangui.
7Shinamandami jatun mandajca, jahua pachapi causajuj
Mandaj Dios llaquinata yariashpa causajun.
Shina cashpami, na cuyuchi tucunga.
8Cambaj maquica, tucui canda fiñajcunatami llaquichinga.
Cambaj ali lado maquica, canda millanayachij
runacunatami llaquichinga.
9Can fiñarishca huatapica,
ninata jornopi churanshnami llaquichingui.
Mandaj Dios ninanda fiñarijpimi,
paicunataca nina tucuchinga.
10Paicunapaj huahuacunataca, cai
pachamanda chingachinguimi.
Paicunapaj miraitapash, huañuna
aichayu runa puramandaca chingachinguimi.
11Canda fiñashpa llaquichingapajmi munanajurca.
Canda umachingapajmi nalita yarinajurca.
Ashtahuangarin paicunaca na mishai ushangachu.
12Ashtahuangarin canmi, paicunataca calpachingui.
Cambaj arcohuanmi, flechacunata paicunapaj
ñavipi shitangapaj shayaringui.
13Mandaj Dioslla, cambaj ushaihuan
jatun cajta ricuchipairi.
Cambaj ninan ushaitami, candashpa alicachipashun.
Who We AreWhat We EelieveWhat We Do
2025 by iamachristian.org,Inc All rights reserved.
