Psalms 64 - Quichua Imbabura Bible

Pacalla fiñajcunamanda jarcachun, ninandapacha mañashcamiCandajcunata mandaj candachijuchun, David rurashca Salmomi.

1Taita Dioslla, aij nishpa ñuca

mañajujtaca uyahuayari.

Ñucata fiñajta manllanamandaca,

ñuca causaita cuidahuayari.

2Pacalla yarinajuj nalita rurajcunamandaca pacahuayari.

Ñucata llujchingapaj pacalla parlarishpa,

jatarij nalita rurajcunamanda pacahuayari.

3Paicunapaj jallutaca espadatashna filoyachishpami,

flechata shitanshna jayaj shimita cacharin.

4Ima nalitapash na ruraj runata,

flechata pacalla cacharingapajmi chashna ruran.

Cungashcapi flechahuan ñapash

shitashpapash, na manllanajunllu.

5Nalita rurangapajlla yarinajushpami,

lazucunata pacalla churangapaj munashpa:

“¿Pita caicunataca ricungayari?” ninajun.

6Jatun nalita ruranataca, caishujta

chaishujta tapushpami alipacha yachan.

Tucui paicunapaj shungutaca,

pipash na yachai ushanallatami yarinajun.

Paicunapaj shungu ucupi ninanda yarinajunshnallatami,

paicunapaj yuyaipipash tucuicunallata ninanda yarinajun.

7Ashtahuangarin Taita Diosmi paicunataca,

flechahuan chugrichinga.

Cungashcapimi, paicunataca llaquicuna japinga.

8Paicunapaj jallullatami, llaquipi urmachinga.

Chaita tucui ricujcunami manllarinajunga.

9Shinamandami tucui gentecuna manllashpa,

imatalla Taita Dios rurashcata villanajunga.

Shina villanajujpimi, pai rurashcataca yachanajunga.

10Imatapash cashcatapacha ruraj runaca,

Mandaj Dioshuan cushijushpami,

paita yariashpa causajunga.

Ali shungu tucui runacunami cushijunajunga.