1Suhita nishca Bildad runaca, cashna nishpami tigrachirca:
2“¿Ima horascamanda rimaita tucuchigringuichi? Ali yuyaitara japichi. Chai jipaca, parlashunllami.
3¿Imashpata ñucanchica, animalcunashna ricurinchi? ¿Imashpata cangunapaj ñavipica, imapajpash na valijcun ricurinchi?
4Ninanda fiñarishpa tucurijuj runalla. ¿Canmandallachu llactaca jichui tucunga? ¿Jaca rumicunapashchu, tiajushca pushtumanda cuyuchi tucunga?
5Diosta na manllajcunata punchayachij michaca, huañuchi tucungapachami. Nina rupashpa zimbrajuj paicunapaj ninaca, na punchayachingachu.
6Paipaj carpapi punchayachij michapash yanayangami. Jahuapi tiajuj lamparapash, huañungami.
7Ucha purij cashpapash, alimandallami puringa. Paitaca, pai yarijushcallatami urmachinga.
8Pai purinapica, linllitami shitanga. Malla jahuacunatami purijunga.
9Paipaj chaqui talonbi lazushpami urmachinga. Paita japingapaca, tugllatami shinllitapacha churanga.
10Paita urmachina cabiapash, pambapimi pacashca tiajun. Paita japina tugllapash, purina ñambimi churashca tiajun.
11Tucui ladomandami, llaquicuna shamushpa manllachinga. Shinami ninanda manllachishpa calpachinga.
12Yarjaimandami ushai tucuringa. Ninan llaquica, paipaj ladopillatami alichishca tiajunga.
13Ung:uimi, paipaj jahualla carataca ismuchinga. Manllanayaita huañuchij ung:uimi, paipaj cuerpotaca micushpa tucuchinga.
14Na manllashpa causajushpapash, paipaj carpamanda aisashpa shitai tucungami. Ninanda manllachij jatun mandajpajmanmi, pushai tucunga.
15Paipaj carpapillatami, na paipaj carpapishna causajunga. Pai causajuj huasi jahuapica, azufre rumitami chafsinga.
16Alpa ucupica, sapicunami chaquinga. Jahuapica, yura malquicunami fiti tucunga.
17Paitaca, cai pachapica pipash na yaringachu. Paipaj shutitaca, ñangunapipash na yarinajungachu.
18Punchayachij michamandaca, yana yana tutamanmi shitai tucunga. Cai pachamandapash, anchuchi tucungami.
19Paipaj llacta puracunapica churitapash, nietotapash na charingachu. Paipaj huasicunapi causangapajpash, pipash na tiangachu.
20Indi huashajuj ladoman causajcunaca, pai ima tucushcata yachashpami manllarinajunga. Indi llujshimuj ladoman causajcunataca, jatun manllaimi japinga.
21Diosta na manllaj runapaj causana huasicunaca, chashnapachami tucunga. Taita Diosta na rijsij runapash, shinallatami canga” nijurcami.
Who We AreWhat We EelieveWhat We Do
2025 by iamachristian.org,Inc All rights reserved.
