Psalms 112 - Quichua Imbabura Bible

Mandaj Diosta manllajcunaca, tucuipimi ali llujshinMandaj Diosta alicachinguichi.

1Mandaj Diosta manllaj runaca,

ninandami cushijun.

Dios mandashcacunahuanmi, ninandapacha cushijun.

2Cai pachapica, paipaj miraicunami ninan

ushaita charinga.

Alita rurashpa causajcunapaj miraicunami,

bendiciai tucushpa causanga.

3Paipaj huasipica, juyailla

ashtaca charishcacunami tian.

Imatapash cashcatapacha pai rurashcapash,

causaita causaicamanmi.

4Aligutalla rurajcunatami, yana yana

tutapipash micha punchayachirca.

Paica juyaj, llaquij, imatapash cashcatapacha rurajmi.

5Ali shungu runaca, llaquishpa

imatapash mañachinllami.

Paipaj ima ruranacunatapash,

aliguta yarishpami mandajun.

6Shinamandami paica, ima horapash na lluchanga.

Imatapash cashcatapacha ruraj runatami,

causaita causaicaman yarinajunga.

7Ima llaquicunata villajpipash, na manllangachu.

Paipaj shunguhuanga, Mandaj

Diostami ninandapacha yariajun.

8Paipaj shungupica, imatapash napacha manllangachu.

Paita fiñajcunata, pai munashcashna

tucungacamanmi, chashna causanga.

9Imagutapash na charijcunamanmi, chaupishpa caran.

Imatapash cashcatapacha pai rurashcacunapash,

causaita causaicamanmi.

Paipaj ushaica, juyaillagutami

jatumbi churai tucushca canga.

10Diosta na manllaj runa chashnata

ricushpaca, ninandami fiñaringa.

Quiruta canirishpami, huañungashna tucunga.

Diosta na manllajcuna imata

munashcacunaca, na pactangachu.