Psalms 56 - Quichua Imbabura Bible

Taita Diostalla yariashpami mañashcaCarupi llaquilla, upalla purijuj palomagu nishca tonopi, candajcunata mandaj candachijuchun, David rurashca juyailla candanami. Cai candanataca, Gat shuti pueblopi filisteocuna japishpa huañuchishunmi ninajushca jipami rurashca.(1 Sam. 21:13-15)

1Taita Dioslla, ñucata llaquihuayari.

Runacunaca micuhuangamari, punllandimari

catiriashpa llaquichinajuhuan.

2Ñucata fiñajcunaca, tucui punllamari sarunajuhuan.

Ñucata jariyashpa jatun tucushpa macanajungapaj

shamujcunaca, ashtacacunamari.

3Paicunata ñuca manllajui punllapica, candallami yariani.

4Taita Diosta yariashpa causashpami,

paipaj shimihuan rimashcata alicachini.

Taita Diosta yariajllami causajuni.

Runa imata ruranatapash, na manllashachu.

5Punllandimi, ñucataca nalicachishpa llaquichinajun.

Paicunapaj yuyaipash, ñucata fiñashpa

llaquichinatallami yarianajun.

6Tandanajushpa pacajushpami, ñuca

maita rijtapash chaparianajun.

Ñucata huañuchingapaj pacalla

chapajcunashnami chaparianajun.

7Taita Dioslla, jatun nalita paicuna

rurashcashnallata llaquichipairi.

Gentecunataca, ninanda fiñarishpa tucuchipairi.

8Ñuca mashnacaman pacajushpa purijushcataca yachanguimi.

Ñuca viquitaca, cara muchilapimi tandachishpa charijupangui.

Chaicunataca, ¿nachu cambaj libropi escribishca?

9Canda ñuca mañajui punllapica, ñucata

fiñajcunaca huashamanmi tigrachi tucunga.

Chaita rurangapaca can Taita Diosca, ñucahuan cajtami yachani.

10Taita Diosta yariajlla causashpami,

paipaj shimihuan rimashcata alicachisha.

Mandaj Diosta yariashpa causashpami,

paipaj shimihuan rimashcata alicachisha.

11Taita Diostami yariashpa causajuni.

Runa imata ruranatapash, na manllashachu.

12Taita Dioslla, canman imatalla

rurasha nishcataca, pactachinami cani.

Ñuca alicachishcatami canman cusha.

13Canmi ñuca almataca, huañunamanda cacharichircangui.

Can Taita Diospaj ñaupajpi purichunmi,

urmagrijujpipash charihuarcangui.

Michapi causajcunahuan causachunmi, chashna rurahuarcangui.