1Canda Ruraj Diostaca, chairalla viñai cashpallata yaringui. Narapash llaqui punllacuna chayamujpillata, yaringui. Chai llaqui huatacuna chayamujpica: “Cai causaihuanga, na cushijushcachu cani” ninguimi.
2Tamiashca jipaca indipash, punchalla shitajujpash, lunapash, luzerocunapash, fuyupi nara huashajujpillata, Diostaca yaringui.
3Huasita cuidajcunapash chujchungami, ninan shinlli runacunapash curcuyangami. Juchu quirucunapash huaquinlla quedajpimi, ña na acui ushanajunga. Ventanacunamanda ricujcunapash, amsatallami ricunajunga.
4Juchu quirucunahuanga, na acui ushajpimi, shimi pungucunapash vicharinga. Alasyu animalcuna candana horaspica, tucui candaj huarmicunami ñavita urai cumuchi tucunga.
5Vichai rinatapash ninanda manllajpimi, ñambipash llaquicunalla tianga. Almendro yura sisanshnami tucunga. Langosta jurupash, llasha quipishnami tucunga. Micuna munaipash chingangami. Runaca, causaita causana huasipi causangapajmi ringa. Yarishpa yarishpa huacajcunami, ñan muyundita purinajunga.
6Culqui cadena nara fitirijpillata, oro plato nara faquirishpa ñuturijpillata, pugyu ladopi fundu nara faquirijpillata, allashca jatun utujumanda yacuta aisana poleapash nara faquirishpa ucuman urmajpillatami, Diostaca yarina cangui.
7Alpamanda rurashca aichaca, imashna cashcashnallata alpamanllatami tigranga. Espirituca, espirituta cuj Taita Diospajmanllatami tigranga.
8Villaj runaca, imapash yanga yangami cashca. Tucui imapash yangallatami nircami.
Tucui caicunata tucuchishpaca, runacuna caita rurachunmi mandashca9Villaj runaca, ashtahuan alipacha yachajushca cashpami, gentecunamambash ashtahuan ali yachaita yachachijurca. Paica, aliguta uyashpa imashna cajta ricunajuchunmi, yarichij shimicunataca, ashtacata escribijurca.
10Villaj runaca, juyailla shimicunatami taringapaj munajurca. Shinallata na llullaj shimicunata chashna cashcatapacha escribingapajmi munajurca.
11Aligutapacha yachajushca runacuna rimashca shimicunaca aujahuan tujsishcashnami. Tandanajuicunapi yachachijcuna yachachishca shimicunaca, ali tacashca clavocunashnami. Chai shimicunataca, shujlla jatun Michijmi paicunaman curca.
12Ñuca huahualla, cai yuyaitaca canmanmi cuni: Librocunata ruranaca, na tucuringachu. Ninanda yachajunaca, cuerpota shaijuchingapajllami.
13Cai tucui yachachishcata uyashcacunami, cashna tucurin: Taita Diosta manllangui, pai mandashcacunatapash pactachingui. Runacunapaca, chaita ruranami tucuita yali ashtahuan ali.
14Taita Diosca, ñucanchi tucui imatalla ruranajushcataca ricuchingami. Imatapash pacalla rurashcacunandimi ali cajpipash, nali cajpipash ricuchinga.
Who We AreWhat We EelieveWhat We Do
2025 by iamachristian.org,Inc All rights reserved.
