Psalms 48 - Quichua Imbabura Bible

Sion puebloca, punchapamba juyaillagumiCoré shuti runapaj miraicuna rurashca candana Salmomi.

1Mandaj Diosca jatumbachami,

ninandapacha alicachi tucunatami charin.

Ñucanchi Taita Diospaj pueblopi tiaj

paipajlla urcupimi, jatunyachi tucuna.

2Juyailla llactaca, chai llactapi

causajcuna cushijunami.

Jahua ladoman tiajuj Sion shuti urcuca,

Jatun Mandajpaj pueblomi.

3Pai mandashpa tiajuna huasicunapica,

imamandapash pacaj Taita Dios cajtami rijsin.

4Ricui, cai pachapi jatun mandajcunaca,

tandanajushpami tucuilla yalimunajurca.

5Chashna shamunajujta paicuna ricushpaca,

manllarishpa musparishpami, ucha pacajugrinajurca.

6Chaipica, manllashpa chujchunami japirca.

Huahuata ungugrijuj huarmitashnami, nanai japirca.

7Tarsis pueblomanda jatun barcocunataca,

indi llujshimuj ladomanda huairahuanmi faquingui.

8Tucuita Mandaj Diospaj pueblopi ñucanchi

Taita Diospaj pueblopica, imashnami uyashcanchi,

chashnallatami ricushcanchi.

Chai pueblotaca causaita causaicamanmi,

Taita Diosca shinllitapacha charijunga. Selah

9Taita Dioslla, cambaj huasi ucupimi,

can llaquij cajtaca yarinajunchi.

10Taita Dioslla, cambaj shuti imashna

cashcashnallatami, cai pacha manñacunacaman

candaca alicachinajun.

Cambaj ali lado maquipica, imatapash

cashcatapacha ruranalla jundami.

11Sion urcupash, Judá llactapi

causajcunapashmi, can ricushpa alipacha

rurashcamandaca, ninanda cushijunga.

12Sion pueblo muyundita purigrichi,

mashna torrecuna tiashcata cuentaichi.

13Canllaman pircacunatapash, aliguta ricuichi.

Mandashpa tiajuna huasicunatapash ricuichi.

Chaicunataca, cangunapaj jipa miraicunaman

villangapajmi ricuna canguichi.

14Taita Diosca, causaita causaipaj

na tucurij ñucanchi Taita Diosmi.

Paimi, ñucanchitaca huañushca jipapash cuidanga.