Psalms 110 - Quichua Imbabura Bible

Mandaj Diosca, jatun mandajmanmi mandanata cunDavid rurashca Salmomi.

1Mandaj Diosmi, ñucata Mandajtaca

cashna nirca: “Canda fiñajcunata cambaj

chaqui ucupi ñuca churangacaman,

ñuca ali ladopi tiari” nircami.

2Mandaj Diosca, can mandana varataca,

Sion pueblomandami cachamunga.

Canda fiñajcunapaj chaupipi mandangui.

3Jucha illaj, juyaillagu cai horasmi,

can agllashcacunaca, can mandajui punllacunapi

paicunapaj munaillata canda cazunajunga.

Tutamanda pacari horasmandapachami,

jamzi paramuhuan mushujyanshna, can

huambralla canataca charingui.

4Mandaj Diosca, cashna nishpami juramenturca:

“Canga, causaita causaicamanmi Melquisedec

curashna curapacha cangui” nircami.

Shina nishcataca, na llaquiringachu.

5Cambaj ali ladopica, Jatun Diosmi tiajun.

Pai ninanda fiñai punllapica, paimi jatun

mandajcunataca tucuchinga.

6Llactacunapi causajcuna imatalla

rurashcatami ricuchinga.

Llactacunapica, huañushcacunatami jundachinga.

Ashtaca llactacunapi umashna mandajcunatami tucuchinga.

7Ñambica, jatun larca yacuta ufiashpami,

umata alsanshna cutin shinlli tucunga.