1Cai candanaca, tucui candanacunamanda ashtahuan yali juyaillaguta Salomón rurashca candanami.
2¡Aij, paipaj shimihuan ñucata muchahuashcanman! Cambaj juyaicunaca, mishquilla vinotapash yali ashtahuan aligumari.
3Mishquillagu ashnajuj jambicunahuan can javirishca jahuapash, cambaj shutica mishquillagu ashnajuj jambi jicharishcashnami. Chaimandami jarihuan nara tacarishca cuitsacunaca, candaca juyan.
4Ñucata pushahuai, canda catishpa rishunllami. Jatun mandajmi, paipaj huasi ucucunaman pushahuarca. Canhuanmi ninanda cushijushun. Cambaj juyaicunataca, mishquilla vinotapash yalitami yarishun. Candaca, juyana cajpillatami juyanajun.
5Jerusalenbi causaj cuitsacunalla, ñucaca yanagu cashpapash, Cedar llactapi tiaj carpacunashna, Salomonbaj telacunashna munanayaigumari cani.
6Yanagu cajllapica, na ricujunallachu cahuanguichi. Ñucataca, indimi yanayachihuarca. Ñuca mamapaj churicunami ñucata fiñashpa, uvas chagrata cuidachun churahuarca. Chaimandami, ñucapaj uvas chagrataca, ñucapaj cajpipash na cuidarcani.
7Ñuca tucui almahuan juyashcagulla, ¿maipita llamacunataca michingui? ¿Chaupi punlla tucujpica, maipita samachingui? ¿Imashpata cambaj cumbacunapaj llamacunahuanra chingashcashna tandanajugrina caniyari? Chaita yachangapaj villahuayari.
8Tucui huarmicunamanda yali juyailla huarmigulla. Can na yachashpaca, llama sarushcacunata ricushpa catilla. Cambaj malta huarmi chivogucunataca, michijcunapaj chuglla ladocunapi michigrilla. Cusapash huarmiman, huarmipash cusaman candashcami
9Ñuca cumba huarmigulla, candaca Faraonbaj carretacunata aisashpa purij, huarmi caballohuanmi chimbapurarcani.
10Cambaj ñavi ladocunaca, can churajushca zarcillocunapaj chaupipica, juyaillagumi ricurin. Cambaj cungagupash, juyaillata huatarishcahuanga juyaillagumi ricurin.
11Oro zarcillocunatami, culqui botongunata churashcata canman rurachishun.
12Marcarishpa tiarinapi jatun mandaj tiajujpica, nardo nishca ñuca jambiguca, mishquillagumi ashnajurca.
13Ñuca juyashcaguca, ashalla mirra jambiguta ñuca chuchu chaupicunapi alichishcashnami ñucapaca.
14Ñuca juyashcaguca, En-gadi shuti pueblopi tiaj, uvas chagra chaupicunapi viñajuj alheña nishca racimo sisagushnami ñucapaca.
15Ricui, ñuca cumba huarmigulla, canga juyaillagumi cangui. Ricui, juyaillagupachami cangui. Cambaj ñavigucunapash, palomagushnami ricujungui.
16Ricui, ñuca juyashcagulla, canga juyailla mishquillagumi cangui. Ñucanchi camaca, sisacunahuan mandashcami.
17Ñucanchi huasipaj vigascunaca, cedro caspicunami. Ciprés caspicunahuan juyaillaguta rurashcami.
Who We AreWhat We EelieveWhat We Do
2025 by iamachristian.org,Inc All rights reserved.
