1Jahua pachapi causajuj Dios cuidajpi
causajca, Tucuita Rurai Ushaj Dios llandunshna cuidajpimi causajunga.
2Ñucaca, Mandaj Diostaca cashnami nijusha:
“Ñuca shuyanami cangui, ñuca shinlli jatun huasishnami cangui.
Ñuca Taita Dioslla, candallami yariajusha” nijushami.
3Paimi, candaca lazuhuan japingapaj
pacalla chapaj runamandapash cacharichinga.
Huañuchishpa tucuchij ung:uimandapashmi cacharichinga.
4Paipaj plumahuanmi candaca quilpanga.
Paipaj alas ucupimi, imatapash na manllashpa aliguta causangui.
Paipaj na llullaj Shimica, jarcarina escudoshna, jirru churajunashnami.
5Tutapi ninan manllai japinatapash,
punllapi flechacuna jahuata yalijujta ricushpapash, na manllanguichu.
6Yana tutapi jatun ung:ui shamujtapash, chaupi punlla
huañuchishpa tucuchijtapash, na manllanguichu.
7Cambaj ladopica, huarangacunami huañushpa urmanajunga.
Ali ladopica, chunga huarangacunami huañushpa urmanajunga.
Ashtahuangarin cambica, na chayangachu.
8Canga, Diosta na manllajcuna imata rurashcamanda,
llaquita apajtaca cambaj ñavihuambachami ricungui.
9Ñuca shuyana Mandaj Diostami, can pacajunata rurashcangui.
Jahua pachapi causajuj Diostami, cambaj huasita rurashcangui.
10Candaca, ima llaquipash na japingachu.
Ima ung:uillapash, can causana huasitaca, na tacaringachu.
11Can maijan ñanda rijpipash, canda cuidachunga,
paipaj angelcunatami cachamunga.
12Rumipi cambaj chaqui ama nitijachunga,
paicunapaj maquipimi candaca apanajunga.
13Leonbipash, millai culebrapipash sarunguillami.
Maltun leondapash, dragón nishca animaltapash sarunguillami.
14“Ñucata juyashcamandami, ñucapash paitaca cacharichisha.
Paitaca, ñuca shutita rijsishcamandami, alicachi tucunapi churasha.
15Paica ñucatami mañanga.
Ñucapash tigrachishallami.
Ninan llaquipi cajpipash, ñucami paihuan casha.
Paitaca, cacharichishpami alicachisha.
16Pai causachumbash, unai huatacunata carashpami,
ñuca quishpichishcata ricuchisha”.
Who We AreWhat We EelieveWhat We Do
2025 by iamachristian.org,Inc All rights reserved.
