1Cambaj tandataca, yacupi cacharilla. Tauca punllacuna yalijpica, cutin japinguillami.
2Canchis puraman cashpa, pusaj puraman cashpapash caranguilla. Llactapaj ima llaqui shamunataca, na yachanguichu.
3Fuyuca, yacuhuan junda cashpaca, alpapi jichamungallami. Quirupash, urai ladoman urmashca cashpa, janaj ladoman urmashca cashpapash, urmashca pushtupillata quedangallami.
4Huairata chapaj runaca, na tarpungachu. Fuyuta ricuriajlla causaj runapash, na cozechangachu.
5Huaira maiman rijujtapash, vijsayu huarmipaj vijsapi huahuapaj tullucuna imashna viñajtapash, canga na yachanguichu. Shinallatami tucuita ruraj Taita Dios, tucui caicunata imashna rurashcatapash na yachangui.
6Tutamanda muyuta tarpushpaca, chishimambash na samashpa tarpunguilla. Punda tarpushca, jipa tarpushca, maijan ali canatapash na yachanguichu. Na cashpaca, ishcandillata alimi canman.
7Punchapamba michaguca juyaillagumari, indita ricunapash aligupachami.
8Maijan runacunapash, unai huatata causashpa, chai tucuilla huatacunapi cushijushca cashpapash, yana yana tutapica ashtahuan unai huatacunata causanata yarinajuchun. Jipaman tucui ima tucunapash, yangallami canga.
Chairalla viñaicunata aliguta yarichishcami9Chairalla viñai cashpallata cushijuilla. Chairalla viñai cashpallata, cambaj shungu cushijuchun saquilla. Cambaj shungu munashcata rurailla, cambaj ñavi ricushcata rurailla. Ashtahuangarin tucui chaicunataca, Taita Dios ricuchinatami yachana cangui.
10Cambaj shungumandaca, fiñarina yuyaita anchuchingui, cambaj cuerpohuan ima nalita ruranamandapash anchuringui. Chaira viñaicuna chairalla cashpa cushijuna punllacunaca, ñapash tucurinalla yangapachami.
Who We AreWhat We EelieveWhat We Do
2025 by iamachristian.org,Inc All rights reserved.
