1Job runaguca, cashna nishpami tigrachirca:
2“Chashnacunataca, ashtaca viajemi uyashcani. Tucui cangunaca, cushichingapaj randica, fiñachijcunami canguichi.
3Ima yuyaitapash na cuj, yanga shimicunaca, ¿nachu tucurigrin? Na cashpaca, ¿imata candaca rimachijun?
4Cangunapaj alma, ñuca almashna cajpica, ñucapash cangunashnallata rimaimanllami. Ñucapash cangunata fiñashpa maitapash rimaimanllami. Umatapash cuyuchishpami ricujuiman.
5Ashtahuangarin ñucaca, ñuca rimashca shimihuanmi cushichiman. Ñuca rimashca shimihuan cushichishpami, cangunapaj nanaitaca samachiman.
6Ñuca rimajujpica, ñuca nanaica na tucurinllu. Upalla cajpipash, ñuca nanaica na anchurihuanllu.
7Shina cajpipash cunanga, ashtahuanmi canga shaijuchihuangui. Tucuilla ñuca cumbacunatapashmi caruyachircangui.
8Canmi, ñuca cuerpotaca sipuyachishcangui. Chaitaca, ñuca cuerpo jamzi tucushcami ricuchijun. Chaimandami, ñuca ñavipillata ricuchishpa juchachingapaj jatarin.
9Pai ninanda fiñarishpami, caita chaita fitihuarca, ñucataca fiñahuarcapachami. Quirutapash canirishpami, ñucataca fiñahuarca. Ñucata fiñaj runaca, imahuambash tujsinashnami ricujuhuarca.
10Ñucata fiñashpami rimanajurca. Ñucata rimashpa pingaichishpami, ñavi ladopi huactashpa chugrichinajurca. Ñucata fiñashpami, tucuicuna tandanajurca.
11Taita Diosca, llulla runamanmi ñucataca cushca. Paita na manllajcunapaj maquipi urmachunmi saquihuashca.
12Ñucaca, tucui ali llujshijpimi causajurcani. Ashtahuangarin ñutushpami saquihuarca. Ñucataca, cunga tullumanda japishpami caita chaita fitihuarca. Flechacunata shitangapaj yuraj señaltashnami churahuarca.
13Flechacunata shitaj paipaj runacunami, ñuca muyundipi shayarirca. Ñuca riñongunata chaupishpapash, napacha saquihuarcachu. Ñuca jayajpash, alpapimi talirirca.
14Ñucataca, cati catimi llaquichishpa catijurca. Manllanayai jatun runashna, calpamushpami llaquichihuarca.
15Cañamutami, ñuca cara jahuapica sirarircani. Ñuca umahuanga, ñutu alpapimi pambarircani.
16Ninanda huacajpimi, ñuca ñavipash punguishca. Ñuca ñavipash amsayashcami.
17Ñuca maquihuanga, ima nalitapash na rurashca jahua, ali shunguhuan paita mañashca jahuami, chashna rurahuan.
18¡Alpalla, ñuca yahuartaca ama quilpapaichu! Can quilpajpica, maipi caparinapash illangami.
19Ricui, ashtahuangarin ñucamanda villajca, jahua pachapimari. Ñuca imatalla rurashcata villajca, jahuapimi tiajun.
20Ñuca cumbacunaca, ñucahuan rimarijcunallami. Ashtahuangarin Taita Diospaj ñaupajpimi, viquita jichashpa mañasha.
21¡Runaca, paipaj cumba runaguhuan rimarinshna, Taita Dioshuambash rimari ushashpachari ali canman!
22Ashtahuangarin cuentashcalla huatacunami chayamunga. Ñucaca, cutinga na ashtahuan tigramuna ñanda japishpami risha.
Who We AreWhat We EelieveWhat We Do
2025 by iamachristian.org,Inc All rights reserved.
