Psalms 73 - Quichua Imbabura Bible

LIBRO IIINalicuna ima tucunatami villajunAsaf shuti runa rurashca Salmomi.

1Taita Diosca, israelcunahuanga aligupachami.

Shungupi mapa illajcunahuambash aligupachami.

2Ñucamanda rimashpaca, ñuca chaquipash

ashamandami na llucharca.

Ñuca purijushpaca, ashamandallami na llucharcani.

3Ninan jariyashcacunata ricushpami,

paicunashnallata cangapaj ninanda munarcani.

4Paicunaca, huañui japihuangami yashpallapash

na llaquirinllu.

Ashtahuangarin ninan shinllicunarami.

5Caishuj huañuj gentecunashnaca,

na ima llaquitapash apanajunllu.

Shuj runacunashnaca, na asti tucunajunllu.

6Shinamandami, paicuna jariyashpa causanaca,

coronata churachinshna charin.

Ninandapacha llaquichishcahuanmi,

churajunahuanshna quilparinajun.

7Yapa viracuna cashpami,

ñavipash llujshinalla ricunajun.

Paicunapaj shungupi munashcata pactachishpapash,

ashtahuan yalishpami ruranajun.

8Ninanda nalicachishpa rimashpami,

ninanda llaquichinatalla parlanajun.

Ninanda jariyashpami parlanajun.

9Paicunapaj shimihuambash, jahua

pachata fiñashpami rimanajun.

Paicunapaj jalluhuanga ninanda

rimashpami, cai pachapi purinajun.

10Chaimandami Taita Diosca, pai agllashcacunataca

caiman tigrachimunga.

Paicunamanmi, yacutapash ashtacatapacha llujchinga.

11Nalicunaca cashnami ninajun:

“¿Taita Diosca, imashnata yachanyari?

Jahua pachapi causajuj Diosca,

¿imatapash yachanllu?” ninajunmi.

12Ricui, Diosta na manllaj caicunaca,

cai pachapi ima llaquitapash na

japishpallatami, ninanda charijyanajun.

13Ñucaca, yangapachami mapa illaj

shungu tucushcani.

Ñuca ali cashpa, maquita na

mapayachishcapash yangallatami.

14Ashtahuangarin punllandimi asti tucuni.

Tucui tutamandacunami macai tucuni.

15“Ricui, ñucapash paicunashnallata

rimashallami” nijushpaca,

can Diospaj huahuacunapaj miraicunatami umachiman.

16Caita yachangapaj ñuca yarijujpica,

ñucapaca ninan shinlli ruranapachami carca.

17Taita Diospaj huasiman ña yaicushpami,

paicuna imashna tucurinataca yacharcani.

18Paicunataca, lluchanallapipachami churashcangui.

Shina churashpaca, llaquinayaita

tucuchishpami urmachingui.

19¡Llaquinayaitamari, cungashcapi tucuchi tucunajushca!

Ninan llaquita apashpa, manllarishpami tucurinajushca.

20Muscujushpa rijcharij runashnami,

can Jatun Diosca jatarishpa, paicuna

imashna cajtaca, yangapi churapangui.

21Ñuca almaca, ninandapachami llaquirirca.

Ñuca shungutapash, tujsinshnami nanahuarca.

22Ñucaca, yapa juizu illaj cashpami,

imatapash na yachai usharcani.

Cambaj ñaupajpica, animalshnami carcani.

23Chashna cashpapash ñucaca,

ñuca tucui causaipimi canhuan carcani.

Canga ñucataca, ali lado maquimandami charihuarcangui.

24Ali yuyaita can cushcashnallatami pushahuashcangui.

Chai jipaca, punchapamba llactapimi chasquihuangui.

25Ñucaca, jahua pachapica pitapash

na charinichu, candallami charini.

Cai pachapipash, canhuan cashcamandaca,

imatapash na charingapaj munanichu.

26Ñuca aichapash, ñuca shungupash

ña huañunallami tucujun.

Ashtahuangarin jatun Rumishna Diosca,

ñuca shungupi ushaita carajmi.

Taita Diosca, tucui causaipimi imagutapash carahuan.

27Ricui, canmanda anchurijcunaca chingangami.

Canmanda anchurijcunataca, tucuillatami

canga tucuchipangui.

28Ashtahuangarin ñucamanda rimashpaca,

Taita Diospajman quimirinaca aligupachami.

Mandaj Jatun Diostami, shuyashpa causajuni.

Can tucui rurashcacunata villangapajmi,

chashna causajuni.