1Ñuca tucui shunguhuanmi, candaca alicachisha.
Shuj dioscunapaj ñaupajpimi,
candaca Salmocunahuan candasha.
2Cambajlla huasi ladomanmi cungurisha.
Can llaquij cashpa imatapash pactachijlla
cajpimi, cambaj shutitaca alicachisha.
Canmi, cambaj shutitapash, cambaj Shimitapash
tucuita yali jatunyachishcangui.
3Caparishpa ñuca mañajui punllapica tigrachircanguimi.
Ñuca almaman ushaita cushpami shinllichihuarcangui.
4Mandaj Dioslla, candaca cai pachapi tucui
jatun mandajcunami alicachinajunga.
Cambaj shimihuan nishcacunata
uyashcamandami alicachinajunga.
5Mandaj Dios imatalla rurashcatami candanajunga.
Mandaj Diospaj punchapambaguca jatumbachami.
6Mandaj Diosca, tucuita yali jatunyachi tucushca
cashpapash, na jariyashpa mañajujtami uyan.
Ashtahuangarin jariyajtaca, carumandallami ricujun.
7Ninan llaqui chaupicunapi ñuca purijujpipash,
canmi causaita cuhuangui.
Ñucata fiñajcuna fiñarijpipash, cambaj maquita
chutashpami, ali lado maquihuan quishpichihuangui.
8Mandaj Diosca, ñucaman imata rurangapaj
munashcataca pactachingami.
Mandaj Dioslla, can llaquinaca causaita causaicamanmi.
Cambaj maquihuan rurashcataca,
ama jichushpa saquipaichu.
Who We AreWhat We EelieveWhat We Do
2025 by iamachristian.org,Inc All rights reserved.
