1Mandaj Diostaca, mushuj candanahuan candaichi.
Paitaca, paipajlla causajcuna tandanajushcapi
candashpa alicachinguichi.
2Israelcunaca, cangunata Ruraj
Dioshuan cushijuichi.
Sion shuti pueblopi causajcunaca, cangunata Jatun Mandajhuan cushijuichi.
3Paipaj shutitaca, danzashpa alicachinguichi.
Paitaca, panderota, arpata tocashpa candaichi.
4Mandaj Diosca, pai agllashcacunahuanmi cushijun.
Na jariyashcacunatami, quishpichishpa juyaillaguta ruranga.
5Paipajlla causajcuna, paica punchapamba cajpi cushijuichi.
Cangunapaj camamanda nara jatarishpallata, paita candaichi.
6Taita Diostaca, cangunapaj cungahuan
candashpa, jatumbi churaichi.
Cangunapaj maquipica, ishcai filohuan
espadata charinajuichi.
7Shuj llactacunapi causajcuna llaquichishcashnallata
llaquichingapaj, chashna charinajuichi.
Gente puracunapi llaquichingapaj, chashna charinajuichi.
8Paicunata jatun mandajcunataca, grillo nishca
jirrucunahuan churachishpa prezuichi.
Paicunapaj alicachi tucushca runacunatapash,
jirru cadenacunahuan huatashpa prezuichi.
9Paicunata llaquichina nishpa villashcashnallata
llaquichingapaj, chashna prezuichi.
Chashna rurashpaca, Diospajlla tucui causajcunapaj
ninan cushijunami canga.
Mandaj Diosta alicachinguichi.
Who We AreWhat We EelieveWhat We Do
2025 by iamachristian.org,Inc All rights reserved.
