1Chai huatacunapica, canchis huarmicunami shuj jarihuanlla causangapaj munashpa, cashna ninajunga: “Ñucanchitaca, cambaj huarmicuna cachun chasquilla. Churajunatapash, micunatapash ñucanchillatami randishun. Ama nalicachi tucushpa rimai tucunajungapaca, ñucanchi cusa tucupailla” ninajungami.
Jipa punllacunapica, juyailla causaimi Jerusalenbica tianga2Chai huatacunapica, Mandaj Diospaj retoño yuraguca, juyaillagu, punchapambagumi canga. Chai llactapi fucushca granocunaca, huaquinlla puchushca israelcunapaca, jatunyachi tucuchun, alicachi tucuchumbashmi canga.
3Shinallata cashnami tucunga: Sion nishca Jerusalenbi huaquinlla puchushcacunaca: “Diospajlla shicanyachishcacuna” ni tucushcami canga. Jerusalenbi huaquinlla puchushcapura shuticunata tucui escribichishcacunami, chashna canga.
4Sion shuti pueblopi causanajuj huarmicunapaj tucui mapata Jatun Dios maillajpi, shinallata Jerusalenbi causajcuna huañuchishca yahuartapash maillajpimi, chashna canga. Llaquichina Espirituhuan, tucuchina Espirituhuan chashna maillanga.
5Chai jipami Mandaj Diosca, Sion urcupi causana tucui huasicunapaj jahuapi, chaipi tucui tandanajushcacunapaj jahuapi, punllapica yana fuyuta churanga. Tutaca, rupashpa punchayachij ninatami churanga. Punchapamba Diosca paicunataca, juyailla carpashnami quilpanga.
6Paimi punllapash, indi rupachinamandaca llandunga. Ninan acapanamandapash, ninan tamiamandapash, paimi huacaichishpa pacanga.
Who We AreWhat We EelieveWhat We Do
2025 by iamachristian.org,Inc All rights reserved.
