Psalms 41 - Quichua Imbabura Bible

Huañujushpami alichihuai nishpa, Diosta mañashcaCandajcunata mandaj candachijuchun, David rurashca Salmomi.

1Imagutapash na charij runaguta

yarij runaca, ninandami cushijun.

Llaqui punllapica, Mandaj Diosmi

paitaca quishpichinga.

2Mandaj Diosmi, huacaichishpa causaitapash caranga.

Cai pachapipash, ninanda cushijushpami causajunga.

Paita fiñajcuna ima munashcata

rurachumbash, na saquinguichu.

3Nanaihuan camapi sirijujpipash,

Mandaj Diosmi ayudanga.

Nanaihuan sirijujpipash, paipaj camataca,

ñutullagutami rurangui.

4Ñucaca, cashnami nircani:

“Mandaj Dioslla, llaquihuayari.

Ñuca almaguta alichihuayari.

Canda fiñashpamari, juchata rurashcani” nircanimi.

5Ñucata fiñajcunaca ñucata nalicachishpami,

cashna nishpa tapurinajun: “¿Ima horata huañushpa,

paipaj shutipash chingangayari?” ninajunmi.

6Ñucata ricungapaj shamushpapash,

llullashpami parlanajun.

Paicunapaj shungupica, paicunapajllatami

jatun nalita mirachinajun.

Canllaman llujshishpaca, ñuca

imashna cajtami parlanajun.

7Ñucata millanayachij runacunaca, tucuilla

tandanajushpa fiñashpami, huashalla parlanajun.

Ñucataca llaquichingapaj yarishpami,

cashna ninajun:

8“Paitaca, manllanayai nali ung:uimi japirca.

Chai ung:uihuan camapi shitarishcamandaca,

na cutin jatari ushangachu” ninajunmi.

9Ñuca ali cumba, ñucata yariashpa causaj,

ñuca micunatallata micuj runapashmi,

ñucata fiñashpa jaitahuarca.

10Ashtahuangarin Mandaj Dioslla,

ñucata llaquishpa jatarichihuayari.

Shina jatarichijpimi, paicunaman cuna cashcata cusha.

11Ñucata fiñajcuna shayarinajuchun na saquijpimi,

canda ñuca cushichishcataca yachasha.

12Ñucataca, ima pandatapash ama rurachunmi,

jarcashpa charijuhuashcangui.

Causaita causaipajmi, cambaj ñaupajpi churahuashcangui.

13Israelcunata Mandaj Taita Diosca,

causaita causaicaman alicachi tucushca cachun.

Shina cachun. Shina cachun.