1Ñucami Pablo cani. Cristoca, ali shunguta charishpami ninanda llaquijun. Shinamandami, ñuca nijujta uyapaichi nini. Ñucanchihuan cashpaca, ali shunguhuanmi. Ashtahuangarin caruman rishpaca, ninandami jariyajun ninajunmi.
2“Paicunapaj munaitami rurashpa purin” nishpami, ñucanchitaca juchachinajun. Chashna nijcunataca, ñuca shamushpa ama fiñarishpa rimachun, cangunallata ricupanguichilla nini.
3Cai pachapi causashpapash, na cai pachapajchu macanajushpa causanchi.
4Ñucanchi macanajunacunaca, na cai pachapaj rurashcachu. Ashtahuangarin Taita Dios caramushca ushaihuanmi, shinllipacha shayanajuj patacunatashna tucuchinchi.
5Taita Diosta ama rijsichunmi, ninanda jariyashpa nali yuyaicunata cushpa jarcariajun. Paicuna tucui imata yarinajujtapash, Cristo prezu apanshna cazuchishpa charichunmi, paiman cushpa saquinchi.
6Na pandashpa canguna aliguta cazunajujpica, shujcuna na cazushcamanda llaquichingapaca, alichirishcami shuyanajunchi.
7Imatapash cangunaca, jahuallata ñavillahuan ricushpami causanguichi. Maijambash paillata Cristopajmi cani yajushpaca, imashnami paillata Cristopajmi cani yajun, chashnallata ñucanchitapash Cristopajmi yachunmi munani.
8Canguna ashtahuan shinlli tucushpa catinajuchun mandachunmi, Apunchi Jesusca ñucanchiman ushaita cararca. Na cangunata chingachingapaj ushaita cararcachu. Chaimandami, ashata jariyashpa rimashpapash, na pinganayachini.
9Canguna manllarichunmi, cai cartataca cachamushca yanguichiman.
10Ñucataca, cashna nishpami nalicachin: “Cartacunapica, yapa shinllitapacha rimashpami cachamun. Ashtahuangarin paillata ñucanchihuan cashpaca, na ushashpami purijurca. Pai villashcapash, na uyanayaimi carca” ninajunmi.
11Maijan chashna nijushpapash aliguta yachachunmi, cashna nini: Carupi cashpa, imashnami cartacunapi rimashcanchi, chashnallatami cangunahuan cashpapash, imatapash rurashun.
12Huaquingunaca, alimi canchi yashpami, paicuna purallata maijanda ashtahuan alicanchiyari ninajun. Chashna nijcunaca, juizu illajcunamari. Shina cajpimi, paicunahuan chimbapurashpa, maijambaj tucungapajpash na munanchi.
13Ñucanchica, na ñucanchipaj munai jariyashpa purishunllu. Ashtahuangarin Taita Diosmi imashna rurachumbash, ushanallata ninanda ñucanchiman ushaita carashpa, cangunapajman chayamuchumbash cachamurca.
14Cangunapajman chayashpaca, na ashtahuan yalishpa rircanchica. Cristomanda ali villaita villangapaca, cangunapajmanrami ñucanchica punda chayarcanchi.
15Chaimandami, shujcuna ruranajushcata ñucanchimi rurarcanchi nishpa jariyaitaca, na ushanchi. Ashtahuangarin canguna aliguta crishpa catijpimi, imashna catichun Dios munashcashna ashtahuan villashpa catishun.
16Shinallata shujcuna punda villashpa callarichishcapica, na ñucanchira jariyashpa yaicungapaj munashpami, cangunapaj llactacunata yalishpa, shuj llactacunapi ali villaita villangapaj munanchi.
17“Pipash jariyangapaj munashpaca, Jatun Diosmandalla jariyachun” nijunmi.
18Maijambash paillata alicachirishpaca, nara imashna cajta ricushpa alicachi tucushcachu. Ashtahuangarin Taita Dios alicachijpi causanami ali.
Who We AreWhat We EelieveWhat We Do
2025 by iamachristian.org,Inc All rights reserved.
