1Moisesca, Diospaj jatun carpata shayachishpa tucuchishpaca, carpatapash, chaipi tucui ima charishcacunatapash aceitehuan javishpami, Diospajlla cachun shicanyachirca. Shinallata altartapash, chaipi ima charishcacunatapashmi, aceitehuan javishpa Diospajlla cachun shicanyachirca. Chai jipami, cashna tucurca:
2Israelcunata mandajcuna paicunapaj taitacunapaj familiacunata mandajcunami, Diosman carangapaj apamunajurca. Paicunaca, paicunapaj taitacunapaj cuentai tucushca aillucunata mandajcunami carca.
3Chai mandajcunaca, Mandaj Diospaj ñaupajpi cungapajmi, quilpashca sucta carretata, chunga ishcai huagrata apamunajurca. Cada ishcai mandajmandaca shuj carretata, cada mandajmandaca shuj huagratami, Diospaj jatun carpa ñaupajpi cungapaj apamunajurca.
4Chaipimi Mandaj Diosca, Moisesman cashna nishpa villarca:
5“Paicuna carashcacunataca japilla. Chaicunaca, ñucahuan tuparina jatun carpapi servichingapajmi canga. Chaicunataca, imashna Diospajta rurana cashcata ricushpa, tucui levitacunaman cunguilla” nircami.
6Shina nijpimi Moisesca, carretacunatapash, huagracunatapash japishpa, levitacunaman curca.
7Gersón runapaj miraicunamambash, imatalla Diospajta rurana cashcata ricushpami, ishcai carretata, chuscu huagrata curca.
8Merari shuti runapaj miraicunamambash, imatalla Diospajta rurana cashcata ricushpami, chuscu carretata, pusaj huagrata curca. Paicunataca, Aarón curapaj churi Itamar shuti runami mandajurca.
9Ashtahuangarin Coat shuti runapaj miraicunaca, Diospajlla huasipi Diosta servingapaj tiashcacunataca, paicunapaj rigrapi huandushpami apana carca. Chaimandami paicunamanga, imatapash na curca.
10Altarta aceitehuan javishpa shicanyachijui punllapimi, Israel aillucunata mandajcunaca, altarta Diosman mingangapaj Diosman imatalla caranacunata apamunajurca. Chai caranacunataca, altar ñaupajpimi churanajurca.
11Chaimandami Mandaj Diosca, Moisestaca cashna nirca: “Altarta ñucaman mingangapaca, shuj punllapica shuj mandaj, caishuj punllapaca caishuj mandaj ñucaman caranacunata apamushpa caranajuchun mandangui” nircami.
12Punda punllapica, Judá ailluta mandaj Naasón shuti runami, Diosman carangapaj shamurca. Paica, Aminadab shuti runapaj churimi carca.
13Naasón shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
14Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
15Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
16Juchamanda Diosman cungapaca, shuj jari chivotami apamurca.
17Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Aminadab shuti runapaj churi Naasón runaca, Diosman cararca.
18Chaipaj cati punllapica, Isacar ailluta mandaj Natanaelmi, Diosman carangapaj shamurca. Paica, Zuar shuti runapaj churimi carca.
19Natanaelca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
20Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
21Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
22Juchamanda Diosman cungapaca, shuj jari chivotami apamurca.
23Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Zuar shuti runapaj churi Natanaelca, Diosman cararca.
24Quimsa punllapica, Zabulón ailluta mandaj Eliab shuti runami, Diosman carangapaj shamurca. Paica, Helón shuti runapaj churimi carca.
25Eliab runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
26Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
27Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
28Juchamanda Diosman cungapaca, shuj jari chivotami apamurca.
29Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Helón shuti runapaj churi Eliab runaca, Diosman cararca.
30Chuscu punllapica, Rubén ailluta mandaj Elisur shuti runami, Diosman carangapaj shamurca. Paica, Sedeur shuti runapaj churimi carca.
31Elisur runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
32Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
33Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
34Juchamanda Diosman cungapaca, shuj jari chivotami apamurca.
35Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Sedeur shuti runapaj churi Elisur shuti runaca, Diosman cararca.
36Picha punllapica, Simeón ailluta mandaj Selumiel shuti runami, Diosman carangapaj shamurca. Paica, Zurisadai shuti runapaj churimi carca.
37Selumiel runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
38Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
39Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
40Juchamanda Diosman cungapaca, shuj jari chivotami apamurca.
41Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Zurisadai shuti runapaj churi Selumiel runaca, Diosman cararca.
42Sucta punllapica, Gad ailluta mandaj Eliasaf shuti runami, Diosman carangapaj shamurca. Paica, Deuel shuti runapaj churimi carca.
43Eliasaf runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
44Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
45Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
46Juchamanda Diosman cungapaca, shuj jari chivotami apamurca.
47Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Deuel runapaj churi Eliasaf runaca, Diosman cararca.
48Canchis punllapica, Efraín ailluta mandaj Elisama shuti runami, Diosman carangapaj shamurca. Paica, Amiud shuti runapaj churimi carca.
49Elisama runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
50Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
51Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
52Juchamanda Diosman cungapaca, shuj jari chivotami apamurca.
53Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Amiud runapaj churi Elisama runaca, Diosman cararca.
54Pusaj punllapica, Manasés ailluta mandaj Gamaliel shuti runami, Diosman carangapaj shamurca. Paica, Pedasur shuti runapaj churimi carca.
55Gamaliel runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
56Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
57Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
58Juchamanda Diosman cungapaca, shuj jari chivotami apamurca.
59Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Pedasur shuti runapaj churi Gamaliel runaca, Diosman cararca.
60Iscun punllapica, Benjamín ailluta mandaj Abidán runami, Diosman carangapaj shamurca. Paica, Gedeoni shuti runapaj churimi carca.
61Abidán runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
62Shinallata patsaj chunga chuscu gramota pezaj, shuj oro cucharatapashmi, inciensota jundachishpa apamurca.
63Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
64Juchamanda Diosman cungapaca, shuj jari chivotami apamurca.
65Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Gedeoni runapaj churi Abidán runaca, Diosman cararca.
66Chunga punllapica, Dan ailluta mandaj Ahiezer shuti runami, Diosman carangapaj shamurca. Paica, Amisadai shuti runapaj churimi carca.
67Ahiezer runaca, shuj kilo chaupita pezaj culqui platota, pusaj patsaj gramota pezaj, culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
68Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
69Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
70Juchamanda Diosman cungapaca, shuj jari chivotami apamurca.
71Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Amisadai shuti runapaj churi Ahiezer shuti runaca, Diosman cararca.
72Chunga shuj punllapica, Aser shuti ailluta mandaj Pagiel shuti runami, Diosman carangapaj shamurca. Paica, Ocrán shuti runapaj churimi carca.
73Pagiel shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa apamurca.
74Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
75Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
76Juchamanda Diosman cungapaca, shuj jari chivotami apamurca.
77Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Ocrán shuti runapaj churi Pagiel shuti runaca, Diosman cararca.
78Chunga ishcai punllapica, Neftalí ailluta mandaj Ahira shuti runami, Diosman carangapaj shamurca. Paica, Enán shuti runapaj churimi carca.
79Ahira shuti runaca, shuj kilo chaupita pezaj culqui platota, pusaj patsaj gramota pezaj culqui jarrotapashmi cararca. Chaicunaca, Diospajlla huasipi pezashcashnallatami carca. Chai ishcandipimi, Diosman carangapaj ashtahuan ali jacuta, aceitehuan chapushpa masashcata jundachishpa cararca.
80Shinallata patsaj chunga chuscu gramota pezaj oro cucharatapashmi, inciensota jundachishpa apamurca.
81Diosman animalta cushpa tucuillata rupachingapaca, shuj shicuta, shuj jari llamata, shuj huatata charij maltun llamatami apamurca.
82Juchamanda Diosman cungapaca, shuj jari chivotami apamurca.
83Dioshuan ali cangapaj carangapaca, ishcai huagrata, picha jari llamata, picha jari chivota, shuj huatata charij picha maltun llamatami apamurca. Chaicunatami, Enán shuti runapaj churi Ahira shuti runaca, Diosman cararca.
84Aceiteta talishpa, altarta Diospajlla cachun shicanyachijui punllapimi, israelcunata mandajcunaca culquita rurashca chunga ishcai platocunata, culquita rurashca chunga ishcai jarrocunata, orota rurashca chunga ishcai cucharacunata Diosman caranajurca.
85Chai platocunaca, cada platomi shuj kilo chaupita pezarca. Jarrocunapash, shuj jarrolla chaupi kilo yalitami pezarca. Culqui platocunata, culqui jarrocunata tucuillata pezajpica, ishcai chunga canchis chaupi kilotashnami pezarca. Chai platocunaca, Diospajlla huasipi pezashcashnallatami carca.
86Orota rurashca chai chunga ishcai cucharacunapash, inciensohuan jundami carca. Chai cucharacunaca, shuj cucharallami patsaj chunga chuscu gramota pezarca. Tucuilla oro cucharacunata pezajpica, quimsa patsaj canchis chunga gramotami pezarca. Chaicunaca, Diospajlla huasipi pezashcashnallatami carca.
87Diosman cushpa tucuillata rupachina huagracunaca, chunga ishcai shicucunami carca. Chunga ishcai jari llamacuna, shuj huatata charij chunga ishcai maltun llamacunami carca. Chaicunataca, Diosman imatalla carashcacunahuanmi caranajurca. Juchamanda cushcacunaca, chunga ishcai jari chivocunami carca.
88Dioshuan ali cangapaj carashpa rupachina animalcunata tucuillata tandachijpica, ishcai chunga chuscu maltun shicucuna, sucta chunga jari llamacuna, sucta chunga jari chivocuna, shuj huatata charij sucta chunga maltun llamacunami carca. Chai caranacunatami, altarta Diosman mingangapaca, aceitehuan javishpa, Diospajlla shicanyachishca jipa apamunajurca.
89Moisesca, Taita Dioshuan parlangapajmi, Dioshuan tuparina jatun carpaman yaicun carca. Chaipimi, imashna causanata yachachishca shimicunata alichishca arcapaj tapa jahuapi, ishcai querubín nishcacunapaj chaupimanda, Dios rimajujta uyan carca. Chaipimi Diosca, Moiseshuan parlan carca.
Who We AreWhat We EelieveWhat We Do
2025 by iamachristian.org,Inc All rights reserved.
