JOSUÉ 19 - Quichua Imbabura Bible

1Cati suerteta rurajpica, Simeón aillupajmi urmarca. Simeón aillupaj mirai familiacuna imashna cashcashnallatami urmarca. Paicuna japina alpacunaca, Judapaj miraicuna japina alpacunapaj chaupipimi urmarca.

2Cai pueblocunatami, paicunapaj cachun japinajurca: Beerseba, Seba, Molada,

3Hazar-sual, Bala, Ezem,

4Eltolad, Betul, Horma,

5Siclag, Bet-marcabot, Hazar-susa,

6Bet-lebaot, Saruhén shuti chunga quimsa pueblocunatami, muyundi uchilla llactacunandi japinajurca.

7Shinallata Aín, Rimón, Eter, Asán shuti chuscu pueblocunatapash, muyundi uchilla llactacunandimi japinajurca.

8Chai pueblocunapaj tucui muyundi uchilla llactacunatapash, Neguev pambapi tiaj Ramat nishca Baalat-beer shuti pueblocamanmi japinajurca. Simeón aillupaj mirai familiacuna imashna cashcashnallata japinajushca pueblocunaca, chaicunami carca.

9Simeonbaj miraicunapaca, Judapaj miraicunapaj alpatallatami suerteta rurashpa chaupishpa curca. Judapaj miraicunapaj alpacunaca, ashtacapacha cajpimi, Simeonbaj miraicunaca, Judá llactapillata alpacunata charirca.

10Ishcaipaj cati suerteta rurajpica, Zabulonbaj mirai familiacuna imashna cashcashnallatami urmarca. Paicunapaj cachun japina alpacunaca, Sarid shuti pueblocamanmi carca.

11Chai alpapaj linderoca, indi huashajuj ladoman tiaj Marala shuti pueblocaman vichai rishpami, Dabeset shuti pueblocaman chayajun. Chaimandaca, Jocneam shuti pueblo chimba purata rijuj jatun larca yacucamanmi chayajun.

12Sarid shuti pueblomandaca, indi llujshimuj ladoman tiaj Quislot-tabor shuti pueblo linderoman tigrashpami, Daberat shuti puebloman llujshijun. Chaimandaca, Jafía shuti pueblomanmi vichai rijun.

13Chaimandaca, indi llujshimuj ladoman tiaj Gat-hefer shuti, Ita-cazín shuti pueblocunata yalishpami, Nea shuti pueblota muyushpa, Rimón shuti puebloman llujshijun.

14Jahua lado linderoca, Hanatón shuti pueblota muyushpami, Jefte-el shuti pugru pambaman llujshijun.

15Shinallata Catat, Naalal, Simrón, Idala, Belén shuti chunga ishcai pueblocunapash, muyundi uchilla llactacunandimi, paicunapaj carca.

16Zabulonbaj mirai familiacuna imashna cashcashnallata paicuna japina alpacunaca, chaicunami carca. Chai pueblocunataca, muyundi uchilla llactacunandimi, paicunapaj cachun japinajurca.

17Quimsapaj cati suerteta rurajpica, Isacar shuti aillupajmi urmarca. Isacar runapaj mirai familiacuna imashna cashcashnallatami urmarca.

18Paicunapaj llactapaj pueblocunaca, caicunami carca: Jezreel, Quesulot, Sunem,

19Hafaraim, Sihón, Anaharat,

20Rabit, Quisión, Abez,

21Remet, En-ganim, En-hada, Bet-pases shuti pueblocunami carca.

22Chai llactapaj linderoca, Tabor, Sahazima, Bet-semes shuti pueblocunacaman chayashpami, Jordán yacupi tucurin. Paicunaca, chunga sucta pueblotami, muyundi uchilla llactacunandi japinajurca.

23Isacar shuti aillupaj mirai familiacuna imashna cashcashnallata japina pueblocunaca, chaicunami carca. Chai pueblocunataca, muyundi uchilla llactacunandimi, paicunapaj cachun japinajurca.

24Chuscupaj cati suerteta rurajpica, Aser shuti aillupaj mirai familiacuna imashna cashcashnallatami urmarca.

25Paicunapaj llactaca, cai pueblocunanandimi carca: Helcat, Halí, Betén, Acsaf,

26Alamelec, Amad, Miseal shuti pueblocunami carca. Chai llactaca, indi huashajuj ladoman tiaj Carmelo shuti urcucaman, Sihor-libnat shuti pueblocamanmi chayajun.

27Indi llujshimuj ladopi linderoca, Bet-dagón shuti pueblota muyushpami, Zabulón shuti llacta jahua ladoman tiaj Jefte-el shuti pugru pambacaman, Bet-emec shuti, Neiel shuti pueblocunaman chayajun. Chaimandaca, Cabul shuti pueblo jahua ladomanmi llujshijun.

28Shinallata Hebrón, Rehob, Hamón, Caná shuti pueblocunatapash, Sidón shuti jatun pueblotapashmi muyujun.

29Chaimandaca chai linderoca, Ramá shuti pueblo ladoman tigrarishpami, muyundi jatun pircacunata charij Tiro shuti pueblocaman chayajun. Chai pueblomandaca, Hosa shuti puebloman tigrashpami, Aczib shuti llactamandaca mama cuchaman llujshijun.

30Shinallata Uma, Afec, Rehob shuti pueblocunandica, ishcai chunga ishcai pueblocunami, muyundi uchilla llactacunandi paicunapaj carca.

31Aser shuti runapaj mirai familiacuna imashna cashcashnallata japina alpacunaca, chaicunami carca. Chai pueblocunataca, muyundi uchilla llactacunandimi, paicunapaj cachun japinajurca.

32Pichapaj cati suerteta rurajpica, Neftalí aillupaj mirai familiacuna imashna cashcashnallatami urmarca.

33Paicunapaj llactaca, Helef, Alon-saananim, Adami-neceb, Jabneel, Lacum shuti pueblocunacamanmi carca. Chaimandaca, Jordán yacumanmi llujshijurca.

34Chai linderoca, indi huashajuj ladotami, Aznot-tabor shuti puebloman muyujurca. Chaimandaca, Hucoc shuti pueblota yalishpami, urai ladopi Zabulón shuti llactacaman chayajurca. Indi huashajuj ladopica, Aser shuti llactahuanmi tuparijurca. Indi llujshimuj ladopica, Jordán yacuhuan Judapaj llactahuanmi tuparijurca.

35Muyundi jatun pircacunata charij pueblocunaca, caicunami: Sidim, Zer, Hamat, Racat shuti, Cineret,

36Adama, Ramá, Hazor,

37Cedes, Edrei, En-hazor,

38Irón, Migdal-el, Horem, Bet-anat, Bet-semes shuti chunga iscun pueblocunami, muyundi uchilla llactacunandi paicunapaj carca.

39Neftalí aillupaj mirai familiacuna imashna cashcashnallata paicuna japina alpacunaca, chaicunami carca. Chai alpacunataca, muyundi uchilla llactacunandimi, paicunapaj cachun japinajurca.

40Suctapaj cati suerteta rurajpica, Dan shuti aillupaj mirai familiacuna mashna cashcashnallatami urmarca.

41Paicunaca, cai pueblocunatami japina carca: Zora, Estaol, Ir-semes,

42Saalabín, Ajalón, Jetla,

43Elón, Timnat, Ecrón,

44Elteque, Gibetón, Baalat,

45Jehud, Bene-berac, Gat-rimón,

46Mejarcón, Racón shuti pueblocunatami japina carca. Shinallata Jope shuti pueblopaj chimba ladopi llactacamanmi carca.

47Dan shuti runapaj miraicunapaca, alpacuna na pactarcachu. Chaimandami paicunaca, Lesem puebloman rishpa, chaipi causajcunata mishashpa, espadahuan chugrichishpa huañuchinajurca. Chai llactata paicuna japishpami, chaipi causanajurca. Paicunapaj ñaupa taitaca, Dan cashcamandami, chai Lesem shuti pueblotaca, Dan shutita shutichinajurca.

48Dan shuti aillupaj mirai familiacuna imashna cashcashnallata paicuna japina alpacunaca, chaicunami carca. Chai pueblocunataca, muyundi uchilla llactacunandimi, paicunapaj cachun japinajurca.

49Israelcunaca, chai llacta alpacunata chaupishpa cushca jipaca, Nun shuti runapaj churi Josuemambashmi, paicunapaj chaupipillata alpacunata japichun cunajurca.

50Josuemanga, Mandaj Dios mandashcashnallatami, pai mañashca pueblota cunajurca. Efraín shuti urcupi tiaj Timnat-sera shuti pueblotami cunajurca. Chai pueblota cujpimi Josueca, cutin alichishpa chaipi causajurca.

51Eleazar shuti curapash, Nun shuti runapaj churi Josuepash, taitacunata mandajcunapash, Mandaj Diospaj ñaupajpi suerteta rurashpa, Israel aillucuna japinajuchun chaupishpa cushca alpacunaca, chaicunami carca. Chai alpacunataca, Silo shuti pueblopi Dioshuan tuparina carpa pungupimi cunajurca. Chashnami chai alpacunataca, chaupishpa cushpa tucuchirca.