1Cai pachapi causajcunaca, ¿nachu shaijungacaman imatapash rurashpa causan? Paicunapaj punllacunaca, caipi chaipi trabajaj runapaj punllacuna tucurinshnami tucurin.
2Servij runaca, llanduringapaj munashpami aij nijun. Caipi chaipi trabashpa purij runaca, samangapajmi munan.
3Cashna jatun llaquitami, cai quillacunapica apajuni. Ñuca japina cashcamanda japinataca, llaquinayaita sirina tutacunatami cuhuashca.
4Siririjushpaca: ‘¿Ima horashi jatarisha?’ yajurcanimi. Ashtahuangarin uchaca na pacarinllu. Shinamandami, pacaringacaman ashtaca yuyaicunahuan sirijuni.
5Ñuca aichaca jurucunahuan, asha alpahuan quilpashcashnami. Ñuca aicha carapash, millanayaitami ashnajun.
6Ñuca causaica, ahuaj runapaj lanzaderatapash ashtahuan yalimi calparca. Shinamandami, imata yarishpa shuyanapash tucurirca.
7Ñuca causaica, huairashna cajta yaripairi. Ñuca ñavica, ali causaitaca na ashtahuan ricungachu.
8Ñucata ricujcunapash ñucataca, na ashtahuan ricunajungachu. Cambaj ñavihuan ñucata ricujpica, ñucaca tucurishallami.
9Fuyuca, asha asha chinganllami. Chashnallatami, Seolman maijan uriajushpapash, cutinga na llujshinga.
10Paipaj huasimambash, cutinga na tigrangachu. Pai maipi causashcatapash, cutinga na ricungachu.
11Shinamandami ñuca shimihuan rimanataca, na jarcarisha. Yuyaipi llaquihuan huañujushpapash, rimajushallami. Tucui almahuan llaquirishpami, aij nijushalla.
12Ñucata cuidashpa shayajuchun churangapaca, ¿mama cuchachu cani? ¿Na cashpaca, mama cuchapi tiaj manllanayai jatun animalchu cani?
13Ñucaca: ‘Camapi ashatallapash samashpa, cushijushpa cai llaquicunata cungasha’ yashpami siririjuni.
14Shina sirijujpimi, muscuicunahuan manllachihuangui. Muscuipishna ricuchishpami chujchuchihuangui.
15Shinamandami ñuca shungupica, cungapi sipirishpachari ali caiman yajurcani. Ñuca tullucunapaj randica, huañungapajmi munarcani.
16Ñuca causaitaca millanayanmi, napacha unaicaman causangapaj munanichu. Ñuca causana punllacunaca yangallami, ña huañuchun saquihuailla.
17¿Paita jatunyachingapaca, runaca imatayari? Cambaj shunguta paipi churangapaca, ¿imatayari?
18¿Imamandata canga tucui tutamanda ricuj shamungui? ¿Ima cajpita imatalla rurajtapash ricuriajungui?
19¿Ima punllacamanda ñucata ricunataca saquigrihuangui? ¿Nachu t'ucata langachunllapash saquigrihuangui?
20Runacunata ricuriajuj Dioslla, juchata rurashca cashpapash, candaca, ¿imatata rurai ushashayari? ¿Imashpata ñucallata llashachijuchun, cambaj flechacunahuan shitana señaltashna ñucatalla ricuriangui?
21¿Imashpata ñuca na cazushcatapash na anchuchishpa, ñuca juchatapash na cungangui? Cunanga, ñutu alpapimi puñugrini. Ñucaca, tutamanda can mascajpipash, na causajushachu” nijurcami.
Who We AreWhat We EelieveWhat We Do
2025 by iamachristian.org,Inc All rights reserved.
