1Mandaj Diosta yariashpami causajuni.
¿Imashpata ñuca almataca, cashna ninajunguichi?:
“Alasyu animalshna urcupi pacajugri.
2Ricui, nalicunaca arcota ña
chutashcallami shuyanajun.
Arcopi flechata ña churashcallami charinajun.
Alitapacha shungupi yarijcunata flechahuan
pacalla huañuchingapajmi, chashna charinajun.
3Ucu callari rumicunata anchuchishpa tucuchijpica,
imatapash cashcatapacha ruraj runaca,
¿imatashi rurai ushanman?” ninajunguichimi.
4Mandaj Diosca, paipajlla huasipimi tiajun.
Mandaj Diosca jahua pachapimi,
pai mandashpa tiarinataca charin.
Chaipi tiajushpami, huañuna aichayu
runacuna imashna cajtaca, paipaj ñavihuan ricujun.
5Mandaj Diosca, imatapash cashcatapacha
ruraj runataca, imashna cajta ricuriajunmi.
Ashtahuangarin nalita ruraj runata ninandapacha
llaquichingapajlla munaj runataca,
tucui shunguhuanmi millanaynachin.
6Mandaj Diosca, nalicunapaj jahuapica,
llaquicunatami tamiachinga.
Paicuna japina copaca, nina, azufre,
ima tiashcata tucuchij huairami canga.
7Mandaj Diosca, imatapash cashcatapacha rurajmi.
Imatapash cashcatapacha ruranata juyajmi.
Paipaj ñavitaca, aligutalla ruraj runami ricunga.
Who We AreWhat We EelieveWhat We Do
2025 by iamachristian.org,Inc All rights reserved.
