1Mandaj Diosca Moisesmambash, Aaronmambash, cashna nishpami villajurca:
2“Maijan runa cashpapash, aicha cara punguishca, na cashpaca grano llujshishca, na cashpaca yurajlla pushtucuna llujshishca, na cashpaca aicha carapi carachashna lepra ung:uihuanmi canga. Shina cashpaca, Aarón curapajman, na cashpaca paipaj churi puramanda maijan curapajmambashmi apai tucunga.
3Shina apamujpica curami, aicha carapi carachata ricunga. Carachashca pushtupi milmapash yurajyashca cajpi, chai carachapash aicha cara ucucaman cajpica, carachashca lepra ung:uimi. Chaitaca curami ali ricushpa, mapami ninga.
4Paipaj aicha carapi yurajlla pushtucuna llujshishca cashpapash, chai ung:uica aicha cara ucucamanga na yalishcachu canga. Chai carachashca pushtupica milmapash, na yurajyashcachu canga. Shina cajpica caracha ung:uihuan runataca, curallatami canchis punllacaman vichashpa saquinga.
5Ña canchis punlla tucujpica, curallatami cutin ali ricunga. Chai carachaca, aicha carapi na ashtahuan mirashpa chashnallata cajpica curallatami, chai runataca shuj canchis punllacaman cutin vichanga.
6Ña canchis punllapica, curallatami cutimbash ali ricunga. Chashna ricujpi chai carachaca, aicha carapi na ashtahuan mirashpa, ña yanayashcashnalla ricurijpica, curallatami mapa illajmi ninga. Chaica, grano llujshishcallami carca. Chai runaca, pai churajushcacunata tajshashpami, mapa illaj tucunga.
7Ashtahuangarin mapa illaj tucungapaj, curaman ricuchishca jipa, grano llujshishpa aicha carapi ashtahuan mirajpica, cutinmi curaman ricuchingapaj ringa.
8Chai grano llujshishcata curallata ricushpa, aicha carapi ashtahuan mirashcata ricushpaca, mapami ningami. Chaica lepra ung:uimi.
9Maijan runapash carachashca lepra ung:uihuan cashpaca, curapajmanmi apai tucunga.
10Paitaca, curami alipacha ricunga. Shina ricujpi aicha carapica, yuraj chupushnalla tucushpami, chai chupushca pushtupi milmapash yurajman tigrashca canga. Shinallata ucu aichapashmi ricurijunga.
11Shina cashpaca, paipaj aicha carapica, napacha ali tucuna lepra ung:uimi canga. Paitaca, curami mapami ninga. Paitaca, mapa cashcamanda na vichashpa saquingachu.
12Ashtahuangarin lepra ung:uica, chai lepra ung:uihuan runapaj aicha carapi ninanda jundashpami, umamandapacha chaquicaman miranga. Chai ung:uica, curapash ricui ushanalla tucungacamanmi miranga.
13Paitaca, curami ali ricunga. Chai lepra ung:uica, tucuilla cuerpopi mirashca cajpica, chai lepra ung:uihuan runataca, mapa illajmi ningami. Tucuilla chai ung:uica yurajyashca cajpimi, paica mapa illaj canga.
14Ashtahuangarin llullu aicha ricurijushca punllapica, mapami canga.
15Llullu aicha ricurijujta cura ricushpami, mapami ninga. Llullu aicha ricurijushpaca mapami. Chaica lepra ung:uimi.
16Ashtahuangarin chai llullu aichaca, shuj tigrashpa yurajman tigrajpica, paica curapajmanmi shamunga.
17Paitaca curami, alipacha ricunga. Shina ricushpa chai carachaca, tucuilla yurajyashca cajpica curallatami, chai caracha ung:uihuan runataca, mapa illajmi ninga. Paica, mapa illajmi canga.
18Aicha carapi chupushca cashpatami, ña ali tucushca canga.
19Shina cashpapash chai chupupaj randica punguishpa, na cashpaca yurajlla pucami canga. Shina cajpica, curamanmi ricuchingapaj shamunga.
20Chaitaca, curami ali ricunga. Shina ricujpica, aicha cara ucucaman llulluyashpami, chai carachashca pushtupi milmacunapash yurajyashca ricuringa. Shina ricurijpica curami, mapami ninga. Chaica, punguishpa yurajyashcapi carachashpa lepra ung:ui llujshi callarishcami.
21Carachata cura ricushpaca, milmapash na yurajyashca cajpi, aicha cara ucumambash na mirashca cajpi, ashtahuangarin yanayashpa ali tucushca cajpica, paitaca curami canchis punllacaman vichanga.
22Chai carachaca, aicha carapi ashtahuan mirashpa catijpica, paitaca curami mapami ninga. Chaica carachami.
23Ashtahuangarin yurajyashca chai pushtupica, na ashtahuan mirashpami, chashnallata canga. Shina cashpaca, chupu ung:ui ali tucushcami canga. Paitaca curami, mapa illajmi ninga.
24Shinallata maijan cashpapash aicha carapi ninahuan rupashpapash, chai rupashcamandaca ali tucushcami canga. Chai ali tucushcapica yurajyashpami, yuraj puca tucushpa ricuringa.
25Paitaca curami ricunga. Chai ali tucushca pushtupica, milmapash yurajyashpa, aicha cara ucucaman llulluyashca ricurijpica, rupashca pushtupi lepra ung:ui llujshishcami canga. Paitaca, caracha lepra ung:uita charishcamandaca curami, mapami ninga.
26Ashtahuangarin cura ali ricujpica, rupashpa ali tucushca pushtupica, milmapash na yurajyashcachu canga. Aicha cara ucucamambash na llulluyashcachu canga, ashtahuangarin yanayashcami canga. Shina cajpica curallatami, canchis punllacaman vichanga.
27Ña canchis punlla tucujpica, curami cutin ali ricunga. Shina ricujpi aicha carapi ashtahuan mirashpa catishca cajpica curami, mapami ninga. Chaica, caracha lepra ung:uimi.
28Ashtahuangarin rupashpa aliyashcapash chai pushtupilla cashpa, aicha carapi na ashtahuan mirashpa, ashtahuangarin yanayashca cashpaca, rupashpa ali tucushcami canga. Rupashpa ali tucushca ricurijushcamandaca, paitaca curami mapa illajmi ninga.
29Maijan jarita cashpapash, huarmita cashpapash umapi cashpa, barbaspi cashpa carachajpica,
30chai carachashcataca curami ricunga. Chai carachaca, aicha cara ucucaman cajpi, ajchapash quilluyashpa jamziyashca cajpica curami, mapami ninga. Chai ung:uica umapi, na cashpaca barbaspi shijshi lepra ung:uimi canga.
31Ashtahuangarin shijshi caracha ung:uita cura ricujpica, na aicha cara ucucaman cangachu, yana ajchallapash na ricuringachu. Shinamandami shijshi caracha ung:uita charijtaca, curallata canchis punllacaman vichanga.
32Ña canchis punlla tucujpica, curallatami chai carachataca ali ricunga. Chashna ricujpi shijshi ung:uica na mirashpa, ajchapash na quilluyashcachu canga. Shinallata shijshi ung:uica, na aicha cara ucucaman cangachu.
33Shina cajpimi, carachahuan ungushcataca ajchata ruturichun mandanga. Ashtahuangarin chai carachashca pushtutaca, na ruturingachu. Shina rurashpaca shijshi ung:uihuan cajtaca, curallatami cutin canchis punllacaman vichanga.
34Ña canchis punlla tucujpica curallatami, chai shijshi ung:uitaca cutin ricunga. Shina ricujpica chai shijshi ung:uica, aicha carapi na ashtahuan mirashca, aicha carapash na ucucaman llulluyashca cajpica paitaca, curami mapa illajmi ninga. Shina nijpica, pai churajushcacunata tajshachun. Shina rurashpami, mapa illaj canga.
35Ashtahuangarin mapa illaj tucushca jipapash, chai shijshi ung:uica ashtahuanmi aicha carapi mirashca canga.
36Shina mirashcataca, curami cutin alipacha ricunga. Chai shijshi ung:ui aicha carapi ashtahuan mirashca cajpica, quilluyashca ajchataca na mascangachu. Shina cashpaca, paica mapami canga.
37Ashtahuangarin chai shijshi ung:uica na ashtahuan mirashcashnalla ricurishpa, chaipica yana ajcha viñashca ricurishpaca, chai shijshi ung:uica ña ali tucushcami canga. Shina cashcamanda paica, mapa illajmi canga. Paitaca curami, mapa illajmi ninga.
38Shinallata jari cashpa, huarmi cashpapash, paipaj aicha carapi yurajyashca pushtucunata charijpica,
39chaitaca curami alipacha ricunga. Ashtahuangarin paipaj aicha carapica, yurajyashca pushtucunapi asha yanalla ricurijpica, pucalla granocunallami llujshishca canga. Shinamandami paica, mapa illaj canga.
40Maijan jaripajpash, paipaj ajcha ninanda llujshijpica, lluchu umami tucunga. Shina cashpapash paica, mapa illajmi canga.
41Na cashpaca uma ñaupa ladomandalla ajcha llujshijpimi, ñaupa ladomanlla lluchu uma canga. Shina cashpapash, mapa illajmi canga.
42Ashtahuangarin huasha ladoman cashpa, ñaupa ladoman cashpapash ajcha llujshishcapi yuraj puca caracha llujshishpaca, ajcha urmashca ñaupa ladomambash, huasha ladomambash, lepra ung:uimi canga.
43Shina cajpica curami, alipacha ricunga. Huashaman cashpa, ñaupa ladoman cashpapash, cuerpo carapi lepra ung:uishnallata yuraj puca caracha tucushpa punguishca cashpaca,
44lepra ung:uihuanmi canga. Paica mapami canga. Umapi lepra caracha ung:uita charishcamandami, curallata paitaca mapami ninga.
45Lepra ung:uihuan japi tucushca carachahuan cashpaca, liqui liqui churajunacunata churajushpa, umatapash na quilparishpa, shimitalla quilparishcami: ‘¡Mapami cani, mapami cani!’ nishpa caparishpa purijunga.
46Caracha ung:uihuan japi tucushca tucuilla chai punllacunami, paica mapa canga. Shina mapa cashcamandami, pailla causajunga. Carpacunamanda llujshishpami, caruman causajunga.
47Shinallata milmata ahuashca, na cashpaca linota ahuashca churajunapimi, ninanda llaquichij caracha ung:ui ricuringa.
48Na cashpaca urdishca puchapi, na cashpaca linota, na cashpaca milmata puchashca trama puchapimi chashna ricuringa. Na cashpaca carapi, na cashpaca caratallata ashtahuan imatalla rurashcapimi, chai ung:uica ricuringa.
49Ninanda llaquichij ung:uica verdeyashca, na cashpaca pucayashcami canga. Churajunapi, na cashpaca carapi, na cashpaca urdishca puchapi, na cashpaca trama puchapi, na cashpaca caratallata ashtahuan imatalla rurashcapi cashpapashmi shina ricuringa. Shina ricurishpaca, ninanda llaquichij lepra ung:uimi canga. Chaitaca curamanmi ricuchinga.
50Chaicunataca, curami alipacha ricunga. Ninanda llaquichij ung:uipi tacarishca chai charishcacunataca, canchis punllacamanmi vichanga.
51Ña canchis punlla tucujpica, ninanda llaquichij ung:uitaca cutinmi alipacha ricunga. Ninanda llaquichij chai ung:uica churajunapi, na cashpaca urdishca puchapi, na cashpaca trama puchapi, na cashpaca carapi, na cashpaca caratallata ashtahuan imatalla rurashcacunapi cashpapash ashtahuan mirashca cashpaca, ninanda llaquichij, nalipacha lepra ung:uimi canga. Chaica mapami canga.
52Churajunapi, na cashpaca urdishca puchapi, na cashpaca milmata, na cashpa linota puchashca puchapi, na cashpaca caratallata, ashtahuan imatalla rurashcacunapi cashpapash, ninanda llaquichij ung:ui tiashcamandaca, tucuillatami rupachinga. Nalipacha lepra ung:ui cajpimi chaicunataca, ninapi rupachinga.
53Churajunapi, na cashpaca urdishca puchapi, na cashpaca trama puchapi, na cashpaca carata rurashca ima charishcacunapi cashpapash, ninanda llaquichij ung:uica na ashtahuan mirashcatami, curallata cutin alipacha ricunga.
54Shinamandami, chai ninanda llaquichij ung:ui tiashca pushtutaca tajshachun, curallata mandanga. Chai jipaca, cutinmi shuj canchis punllacaman vichashpa saquinga.
55Ninanda llaquichij ung:ui tiashca pushtuta tajshashca jipaca, curami cutin ali ricunga. Ninanda llaquichij chai ung:uica na ashtahuan mirashca cashpapash, ninanda llaquichij chai ung:uica chashnallata cashpaca, mapami canga. Chaicunataca ninapimi rupachinga. Ima charishcacuna cajpipash, ucu ladoman cashpa, jahua ladoman cashpapash, tenirishpa ismuchishcalla mapami.
56Ashtahuangarin chai charishcacunata tajshashca jipa, curallata cutin ali ricushpaca, ninanda llaquichij chai ung:uica yanayashcatami ricunga. Shina ricushpaca churajunata, na cashpaca carata, na cashpaca urdishca puchata, na cashpaca trama puchata cashpapash, maipi yanayashca pushtutallami fitinga.
57Ashtahuangarin churajunapi, na cashpaca urdishca puchapi, na cashpaca trama puchapi, na cashpaca carata rurashca ima charinacunapi cashpapash, cutinmi chai ung:uica ashtahuan mirashca ricuringa. Chai ninanda llaquichij ung:uipi tacarishca chai charishcacunataca, tucuillatami rupachina cangui.
58Ashtahuangarin churajunata, na cashpaca urdishca puchata, na cashpaca trama puchata, na cashpaca carata rurashca ima charishcacunata cashpapash, tajshajpi ninanda llaquichij chai ung:ui anchurijpica, cutin tigrashpa tajshachun mandangui. Chai jipaca, mapa illajmi canga” nijurcami.
59Milmata ahuashca, na cashpaca linota ahuashca churajunapi, na cashpaca urdishcapi, na cashpaca trama puchapi, na cashpaca carata rurashca ima charishcacunapi cashpapash, ninanda llaquichij chai lepra ung:ui ricurijpica, cai mandashcatami rurana. Cai mandashcataca mapa illaj cajta, na cashpaca mapa cajta villachunmi chashna cushca.
Who We AreWhat We EelieveWhat We Do
2025 by iamachristian.org,Inc All rights reserved.
