Psalms 13 - Quichua Imbabura Bible

Ninan llaquihuan cashpa ayudahuai nishpa Diosta mañashcamiCandajcunata mandaj candachijuchun, David rurashca Salmomi.

1Mandaj Dioslla, ¿ima horascamanda

jichushpa saquigrihuangui?

¿Causaita causaicamanllu cungagrihuangui?

¿Ima horacamanda cambaj ñavitaca,

ñucamanda pacagrihuangui?

2¿Ima horascamanda ñuca almapi ali yuyaita churasha?

Ñuca shungupica punllandimi llaquihuan cani.

¿Ima horascamanda ñucata fiñaj runaca,

ñucata mandashpa jariyajungalla?

3Ricui, ñucata Mandaj Taita

Dioslla, tigrachihuayari.

Puñunshna ñuca ama huañuchunga,

ñuca ñavita punchayachihuayari.

4Ñucata fiñaj runaca ama:

“Misharcanimari” nichunmi, chashna mañapani.

Ñuca lluchashpa urmajpica,

ñucata fiñajcunaca cushijunmanmi.

5Ashtahuangarin ñucaca, can

llaquinatallami yariajuni.

Can quishpichijpimi, ñuca shunguca cushijunga.

6Mandaj Diostaca, ñucaman alita

rurashcamandami candajusha.

Blog
About Us
Message
Site Map

Who We AreWhat We EelieveWhat We Do

Terms of UsePrivacy Notice

2025 by iamachristian.org,Inc All rights reserved.

Home
Gospel
Question
Blog
Help