1Mandaj Diosmi mandajun, gentecunaca chujchunajungami.
Paica, querubín nishcacunapaj jahuapimi tiajun.
Tucui cai pachami cuyuringa.
2Mandaj Diosca, Sion pueblopica jatunmari.
Tucui gentecunata yali jatunyachi tucushcamari.
3Manllana cambaj jatun shutitaca alicachinajuchun.
Paica jucha illajmi.
4Punchapamba tiajuj Jatun Mandajca,
aliguta ricushpa mandanatami juyan.
Canmi, aliguta ruranataca shinllitapacha churangui.
Canmi Jacobopaj miraipica, aliguta ricushpa
mandashpa, imatapash cashcatapacha rurarcangui.
5Ñucanchita Mandaj Taita Diostami, jatumbi churana canguichi.
Pai tiajuj chaqui ñaupajpi cungurichi.
Paica jucha illajmi.
6Moiseshuan, Aaronhuanga, paipaj cura purami carca.
Samuelca, paipaj shutipi mañaj puracunami carca.
Mandaj Diosta mañajpica, paica tigrachinllami carca.
7Pilarshna shayajuj fuyumandami, paicunahuanga parlajurca.
Paicunaca, imashna causanata pai yachachishcatapash
pactachinajuchun cushca shimicunatapash,
pactachishpami causanajurca.
8Ñucanchita Mandaj Taita Dioslla,
canmi paicuna mañashcataca tigrachinlla carcangui.
Paicuna nalita rurashcata cungajlla Taita Diosmi carcangui.
Shinallata paicuna imatalla rurashcacunamandaca,
chashnallata cujllami carcangui.
9Ñucanchita Mandaj Taita Diosta jatumbi churaichiyari.
Ñucanchita Mandaj Diosca, jucha illaj Taita Dios
cashcamanda, paipajlla urcu ñaupajpi cungurichiyari.
Who We AreWhat We EelieveWhat We Do
2025 by iamachristian.org,Inc All rights reserved.
