1Callaripillata ña tiashcata, ñucanchi uyashcata, ñucanchi ñavihuambacha ricushcata, pai causajujta ali ricushpa, ñucanchi maquihuan tacarishcatami villanchi. Paica, causaita caraj Shimimi.
2(Causaita ricuchimujpimi, chai causaitaca ricurcanchi. Shinamandami, causaita causanata ricushcapacha cashpa, cangunaman villanajunchi. Paica Taitahuanmi carca. Shina cashpapash, ñucanchimanmi ricurimurca).
3Ñucanchi ricushcata, ñucanchi uyashcatami, chaitapacha villanajunchi. Cangunapash ñucanchihuan shujlla tucuchunmi, chashna villanajunchi. Ñucanchipash Taita Dioshuan, paipaj Churi Jesucristohuan shujlla tucushcapachami canchi.
4Cangunapash, ninanda cushijushpa causachunmi, caitaca escribinchi.
Taita Diosca punchapamba michagumi5Jesucristo ñucanchiman yachachishca shimicunatami, cangunaman cashna villanajunchi: Taita Diosca, punchapamba micha cajpimi, paipica yana yana tutashnaca na tian.
6“Paihuan shujlla tucushcami canchi” nishpapash, yana yana tutapishna causanajushpaca, na llullashpa villajuj Shimitami, na pactachishpa llullanajunchi.
7Ashtahuangarin Dios michapi causajunshna, ñucanchipash michapi causanajushpaca, caishujhuan chaishujhuan shujlla tucushcami canchi. Shina cajpimi, paipaj Churi Jesucristopaj yahuarca, ñucanchipaj juchacunataca tucuillata maillan.
8“Jucha illajmi canchi” ninajushpaca, quiquinllata umachirishpami, na llullashpa villajuj Shimitapash na ñucanchihuan charinchi.
9Ñucanchipaj juchacunata Taita Diosman villajpica, paimi imatapash cashcatapacha rurashpa pactachijlla cashpa, ñucanchipaj juchacunataca anchuchinga. Shinallata ñucanchi imata nalita rurashcatapash, tucuillatami maillanga.
10“Jucha illajmi canchi” ninajushpaca, Diostami llullapi churanchi. Shinamandami, paipaj Shimitapash na ñucanchipi charinchi.
Who We AreWhat We EelieveWhat We Do
2025 by iamachristian.org,Inc All rights reserved.
