1Mandaj Dioslla, nali runamandaca cacharichihuayari.
Llaquichij runacunamandaca huacaichihuayari.
2Paicunapaj shungupica, llaquichinatallami yarianajun.
Paicunaca, punllandimi fiñanajunatalla yarianajun.
3Paicunapaj jallutaca, culebrapaj jallu
pundatashnami ruranajurca.
Paicunapaj shimi ucucunapipash,
millai culebrapaj venenoshnami tian. Selah
4Mandaj Dioslla, canda na manllaj
runapaj maquimanda huacaichihuayari.
Nalicachishpa rimaj runacunamandapash cacharichihuayari.
Paicunaca, ñuca causaita pandachingapajmi yarinajun.
5Jariyashca runacunaca, lazutapash,
huascacunatapash, pacallapimi churashca.
Ñan ladopimi, linllitapash mandashca,
lazucunatapash churashca. Selah
6Mandaj Diostaca, cashnami nircani:
“Canga, ñuca Taita Diosmi cangui.
Mandaj Dioslla, ñuca ninanda mañajujtaca uyahuayari.
7Ninan ushaihuan ñucata quishpichij,
Mandaj Jatun Dioslla.
Canmi, jatun macanajui punllapica,
ñuca umata quilparcangui.
8Mandaj Dioslla, canda na manllaj runa ima
munashcata pactachijuchunga, ama saquipaichu.
Pai jariyashpa ama jatun tucuchunga,
pai imata yarishcata rurashpa
pactachijuchumbash, ama ayudapaichu” nircanimi. Selah
9Ñuca muyundipi shayarishpa chaupipi churaj
runacunapaca, paicuna nalita rimashcallatami,
paicunapaj uma jahuapi urmamunga.
10Paicunapaj jahuapica, carbón
ninayashcacunami urmamunga.
Ninapimi shitai tucunga.
Maitapash na llujshinalla, manllanayai
ucu ucucunamanmi shitai tucunga.
11Jallu cacharishcata rimaj runaca,
cai pachapica na unaita causangachu.
Jatun llaquica, imatapash cashcatapacha na
ruraj runata japishpami tucuchinga.
12Mandaj Dioslla, llaquichi tucushpa causajujta
can ricushpa mitsanatapash yachanimi.
Imagupash illajcuna japinatallata cunatapash yachanimi.
13Imatapash cashcatapacha rurajcunaca,
cambaj shutita alicachingapachami.
Aligutalla rurajcunaca, cambaj
ñaupajpimi causanajunga.
Who We AreWhat We EelieveWhat We Do
2025 by iamachristian.org,Inc All rights reserved.
