1Macanajui punllapi can mañajpica,
Mandaj Dios uyachun.
Canmandaca, Jacobopaj Taita Diospaj
shutipi mitsashpa jarcachun.
2Candaca, Sionbi tiaj paipajlla
huasimandapacha ayudashpa charichun.
3Can tucui imatalla carashcacunataca,
yarishpami ali canman.
Diosman cushpa tucuillata can rupachishcatapash,
chasquishpami ali canman. Selah
4Cambaj shungu munashcashnallata, cushpami ali canman.
Can imatalla yarijushcataca, pactachishpami ali canman.
5Ñucanchica, can quishpichijpimi cushijushun.
Ñucanchi Taita Diospaj shutipimi,
banderatapash alsashun.
Tucui imatalla can mañashcacunataca,
Mandaj Dios cupachun.
6Mandaj Diosca, aceitehuan javi tucushca, paipaj jatun
mandajta quishpichij cajtaca, cunanmi yachani.
Paipajlla jahua pachamandapacha uyashpami,
ushaita charij paipaj ali
lado maquihuan quishpichin.
7Cai runacunaca carretacunata, caishuj
runacunaca, caballocunatami yarianajun.
Ashtahuangarin ñucanchica, ñucanchita Mandaj
Taita Diospaj shutitami yariashpa causashun.
8Paicunaca, jamziyanshnami urmanajun.
Ashtahuangarin ñucanchica, jatarishpami shayanajunchi.
9Mandaj Dioslla, quishpichipairi.
Jatun Mandajca, ñucanchi mañajui punllapica uyapachunlla.
Who We AreWhat We EelieveWhat We Do
2025 by iamachristian.org,Inc All rights reserved.
