1Jobca, cashna nishpami tigrachirca:
2“Cunambashmi, llaquilla rimagrini. Ñuca huacaitapash yalimi, ñuca carachataca nanajun.
3¡Taita Dios maipi cajta pipash villajpica, ñucaca pai tiajuj ñaupajmanmi riman!
4Paipaj ñaupajpimi, ñuca imatalla villangapaj munashcataca villaiman. Ñuca shimihuanga, imatapash nijuimanllami.
5Pai imatalla tigrachijpica yachaimanmi. Pai imatalla nishcatami yuyaipi japiman.
6¿Ñucataca, shinllita rimashpachu tigrachinman imashi? Na chashnachu canman, ashtahuangarin paica uyahuanmanllami.
7Imatapash cashcatapacha ruraj runaca, chaipimi paihuan yuyaita japinman. Juezpaj ñaupajmanda pacajushpa rishpaca, cutinga na ricurimanllu.
8Ricuichi, indi llujshimuj ladoman rishpapash, paitaca napacha tarishachu. Indi huashajuj ladoman rishpapash, napacha tuparishachu.
9Paipaj ushaita jahua ladoman ricuchijpipash, na ricushachu. Urai ladoman pacajpipash, na ricushachu.
10Ashtahuangarin paica ñuca causaitaca, tucuitami rijsin. Pai, ñucata imata rurashpa ricujpipash, oroshnami ricurisha.
11Ñucaca, pai sarushcapimi catijurcani. Paipaj ñandaca aliguta catijushpami, napacha anchurircani.
12Paipaj shimihuan mandashcamandaca, ima horaspash na anchurircanichu. Paipaj shimicunataca, ñuca micunatapash yalimi yariajlla causajurcani.
13Ashtahuangarin pai imatapash rurangapajpacha munashcataca, ¿pita shujman tigrachi ushangayari? Pai imata rurangapaj munashcataca rurarcallami.
14Paica, ñucata imatalla rurangapaj munashcataca pactachingami. Paica chashna ruranacunataca, ashtacatami charin.
15Chaimandami ñucaca, paipaj ñaupajpica ninanda manllarini. Pai imashna cajta yarishpacarin, chujchunimi.
16Taita Diosmi, ñuca shungupica manllachihuarca. Tucui Ushaita Charij Diosmi, ñucataca muspachihuarca.
17¿Imashpata yana yana tutapillata na huañurcani? ¿Imashpata ñuca ñavica, yana tutahuan na quilpai tucurca?
Who We AreWhat We EelieveWhat We Do
2025 by iamachristian.org,Inc All rights reserved.
