1Taita Dioslla, huacaichihuayari,
candallami yariajupani.
2Ñuca almalla, Mandaj Diostaca cashnami nircangui:
“Canmi, ñucata Mandaj cangui.
Ñucapaca, canmanda ashtahuan shujca
pipash na tianllu” nircanguimi.
3Llactapi cambajlla causanajuj ima nalitapash
na rurajcunamandami, ninanda cushijuni.
4Shuj diosta tucui shunguhuan servijcunapajmi,
nanaicunaca miranga.
Ñucaca, chai dioscunamanga animalpaj
yahuartaca na carashpaca talishachu.
Chaicunapaj shuticunatallapash, ñuca
shimihuanga na rimashachu.
5Mandaj Diosca, ñucaman carashca
alpashnapash, ñuca copashnapashmi.
Ñuca causaitaca, canmi charipangui.
6Ñucaman alpata medijpica,
alipacha pushtupimi urmarca.
Ñucaman cushca alpa pushtuca,
juyaillagupachami.
7Mandaj Diostami alicachisha.
Paimi, ñucataca alita yarichihuan.
Tutacunapashmi, ñuca yuyaipica alita yachachihuan.
8Ñuca tucui causaipica, Mandaj Diostami,
ñuca yuyaipi charircani.
Pai ñuca ali ladopi cajpimi,
na cuyuchi tucusha.
9Chaimandami ñuca shunguca cushijurca.
Ñuca almapashmi cushijurca.
Ñuca cuerpopash, imatapash na
manllashpami samajunga.
10Ñuca almataca, na Seolpi saquihuanguichu.
Cambajlla cashcamandaca, ñuca cuerpo
ismuchumbash na saquihuanguichu.
11Causaipaj ñandami ricuchihuangui.
Cambaj ñaupajpimi, ninan jatun cushijuica tiapan.
Cambaj ali ladopimi, causaita causaicaman
juyailla cushijuica tiapan.
Who We AreWhat We EelieveWhat We Do
2025 by iamachristian.org,Inc All rights reserved.
