1¡Mandaj Dioslla, ñucanchi Jatun
Dioslla, cambaj shutica tucui cai
pachapi, ninanda alicachi tucushcami!
Can punchapamba cajtaca, jahua pachapimi churashcangui.
2Canda fiñajcunamandami, uchilla huahuacuna,
chuchujuj huahuacuna alicachishcahuan, shinlli
torreta shayachinshna callarircangui.
Canda fiñashpa llaquichijta
upallayachingapajmi, chashna rurarcangui.
3Jahua pachata ricushpaca, cambaj
maqui rurashcatami ricujuni.
Lunatapash, luzerocunatapash, canmi rurapashcangui.
4Chaimandami cashna yarijuni: Runaca,
¿ima cajpita paitaca yariangui?
Huañuna aichayu runaca, ¿ima
cajpita ricungapaj shamungui? yajunimi.
5Runataca, ashamandallami na
angelcunatashna rurashcangui.
Jatun canatapash, alicachi tucunatapash,
coronata churachinshnami cushcangui.
6Runataca, cambaj maquihuan rurashcacunata
mandaj cachunmi churarcangui.
Tucuitami, paipaj chaqui ucupi churashcangui.
7Tucui llamacunata, huagracunata,
shinallata sachapi causaj animalcunata,
8jahuata rij alasyu animalcunata,
yacupi causaj pijicunata, mama cuchapi tiaj tucuilla
animalcunatapashmi, mandachun churarcangui.
9¡Mandaj Dioslla, ñucanchi Jatun Dioslla,
cambaj shutiguca, tucui cai pachapica jatumbachamari!
Who We AreWhat We EelieveWhat We Do
2025 by iamachristian.org,Inc All rights reserved.
