Psalms 132 - Quichua Imbabura Bible

Diospaj huasita bendiciachunmi mañashcaVichai rinajushpa candanami.

1Mandaj Dioslla, Davidtapash, pai

llaquichi tucushcatapash yaripairi.

2Can Mandaj Diosman, pai juramentushcatapash yaripairi.

Jacoboman shinlli canata cuj Diosmanmi,

cashna nishpa ari nijurca:

3“Ñuca causajuj huasi ucumambash, na yaicushachu.

Ñuca camapi siririshpa samangapajpash,

na vitsiashachu.

4Ñuca ñavitapash, napacha puñuchun saquishachu.

Ñavitallapash na vichashachu.

5Mandaj Diospaj causana pushtuta taringacaman,

Jacoboman ushaita cuj Dios causana huasita

taringacaman, napacha samashachu” nijurcami.

6Uyaichi, Efrata shuti pueblopi cashpami,

cashnata uyarcanchi.

Bosque pambacunapimi tarircanchi.

7Pai tiajuj jatun carpaman yaicushpami,

paipaj chaqui saruna ñaupajpi cungurishunchi.

8Mandaj Dioslla, jatarishpa can

samana pushtuman ripashunyari.

Cambash, cambaj ninan ushaita charij

arcapash ripashunyari.

9Cambaj curacunaca, imatapash cashcatapacha

ruranahuan churajushcashna cachun.

Cambajlla causajcunaca, ninanda cushijuchun.

10Canda servij Davidta juyaimandaca, aceiteta

talishpa javishca cambaj jatun mandajmandapash,

cambaj ñavitaca ama shujman churapaichu.

11Mandaj Diosca, na llullashpa pactachingapajmi,

juramentushpa Davidman cashna nijurca:

“Can mandashpa tiajushcapica,

cambaj miraicunatami churasha.

12Cambaj churicuna ñucahuan ari ninajushcatapash,

imashna causanata ñuca yachachishcatapash

pactachishpaca, paicunapaj churicunapashmi,

can mandashpa tiarinapica, tucui causaipi

tiarinajunga” nijurcami.

13Mandaj Diosmi, Sion shuti pueblota agllarca.

Pai chaipi causangapaj munashpami, cashna nijurca:

14“Caimi, causaita causaicaman ñuca samana pushtu.

Caipi causangapaj munashcamandami, caipi causagrini.

15Ashtaca alicuna tiachunmi, ninanda bendiciasha.

Imagutapash na charijcunamambash,

na ushangacamanmi micunata carasha.

16Shinallata paicunapaj curacunamambash,

churajunata churachinshnami quishpirinata churachisha.

Diospajlla causajcunaca, ninan

cushijuihuanmi caparinajunga.

17Chaipimi, David mandajushcataca,

retoñachinshna cutin churasha.

Aceiteta talishpa javishca ñuca jatun mandajmanmi,

lamparagutashna alichishca charijuni.

18Paita fiñajcunataca, pandarinatami

churajunatashna churachisha.

Ashtahuangarin paipaj umapica, juyailla

coronami sisashna ricuringa” nijurcami.