1І калі Ён зняў сёмую пячатку, настала ў небе маўчанне каля паўгадзіны.
2 Мц. 24:31; 1Кар. 15:52 І ўбачыў я сем анёлаў, якія стаялі перад Богам, і дадзена было ім сем труб.
3 Вых. 30:1, 3; Ам. 9:1 І выступіў іншы анёл, і стаў перад ахвярнікам, трымаючы залатую кадзільніцу, і дадзена было яму шмат фіміяму, каб з малітвамі ўсіх святых узнёс іх на залаты ахвярнік, які перад пасадам.
4 Лк. 1:10 І падняўся дым фіміяму разам з малітвамі святых з рукі анёла перад Богам.
5 Вых. 19:16; Святар. 16:12; Эзэк. 10:2 І ўзяў анёл кадзільніцу, і напоўніў яе агнём з ахвярніка, і кінуў на зямлю; і сталіся грымоты, і галасы, і маланкі, і землятрус.
6І сем анёлаў, што мелі сем труб, нарыхтаваліся, каб трубіць.
7 Вых. 9:23-25; Эзэк. 38:22 І першы анёл затрубіў. І стаўся град і агонь, змяшаны з крывёй, і былі кінуты на зямлю. І трэцяя частка зямлі згарэла, і трэцяя частка дрэў спалымнела, і ўся трава зялёная згарэла.
8І другі анёл затрубіў. І тады быццам велізарная гара, што палымнее агнём, кінута была ў мора. І трэцяя частка мора сталася крывёй,
9 Адкр. 16:3 і трэцяя частка марскіх істот, што мелі душы, вымерла, і трэцяя частка караблёў загінула.
10 Іс. 14:12 І затрубіў трэці анёл. І зляцела з неба велізарная зорка, якая палымнела, як паходня, і ўпала яна на трэцюю частку рэк і крыніц водных.
11 Ярэм. 9:15 І назва той зоркі чытаецца Палын. І трэцяя частка водаў ператварылася ў палын, і многа людзей паўмірала ад той вады, бо вельмі была горкая.
12 Іс. 13:10; Эзэк. 32:7; Ёэль 2:10, 31; 3:15; Мц. 24:29 І чацвёрты анёл затрубіў. І тады была пашкоджана трэцяя частка сонца, і трэцяя частка месяца, і трэцяя частка зорак, каб пацямнела іх трэцяя частка, і ўдзень не яснела трэцяя частка, і таксама ноччу.
13Потым глянуў я і пачуў аднаго анёла, які ляцеў па сярэдзіне неба, голасна ўскрыкваючы: «Гора, гора, гора тым, хто жыве на зямлі ад гукаў іншых труб трох анёлаў, якія павінны неўзабаве трубіць».
Who We AreWhat We EelieveWhat We Do
2025 by iamachristian.org,Inc All rights reserved.
