Кніга Псальмаў Псальм 132 (131) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1Песня ўзыходжання.

Госпадзе, памятай пра Давіда і пра ўсю пакорлівасць яго:

2бо прысягнуў ён Госпаду, даў абяцанне Магутнаму Якубаву:

3«Не ўвайду ў шаты дому свайго, не ўздымуся на ложа пасцелі маёй,

4 Высл. 6:4 не дам сну вачам маім і павекам маім,

5пакуль не знайду месца для Госпада, палаткі для Магутнага Якубава».

6 2Пар. 6:41, 42 Вось, пачулі мы пра той самы, вось, у Эфраце, знайшлі мы яго на палях Яар.

7Увойдзем у палатку Яго, аддадзім паклон ля падножжа ног Яго.

8Уздыміся, Госпадзе, да месца супачынку Твайго, Ты і каўчэг Тваёй моцы.

9Хай святары Твае адзенуцца ў справядлівасць, а святыя Твае радуюцца.

10Дзеля Давіда, паслугача Твайго, не адварочвай аблічча ад намашчэнца Твайго.

11 2Сам. 7:12-16; 1Пар. 17:11-14; Пс. 89:4, 5; Дзеі 2:30 Прысягнуў Госпад Давіду праўду, і не адступіць ад яе: «Ад плода сцёгнаў Тваіх пасаджу на пасад Твой.

12 1Цар. 2:4 Калі сыны твае захаваюць запавет Мой і сведчанні Мае, якім навучу Я цябе, то і сыны іх вечна будуць сядзець на пасадзе тваім».

13Бо Госпад выбраў Сіён і пажадаў яго Сабе на паселішча:

14«Гэта спачынак Мой на векі вечныя; тут буду жыць, бо пажадаў яго.

15Дабраслаўляючы, дабраслаўлю ежу яго, бедных яго накармлю хлебам.

16Святароў яго адзену ў збаўленне, і святыя яго будуць вельмі радавацца.

17 1Цар. 11:36 Тут вырашчу рог Давіда, прыгатую светач для Майго Намашчэнца.

18Непрыяцеляў яго пакрыю сорамам, а над ім будзе зіхацець вянец яго».