Кніга Псальмаў Псальм 135 (134) - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Пс. 134:1 Пс. 113:1 Алілуя. Хваліце імя Госпада, хваліце, слугі Госпадавы,

2вы, што стаіце ў доме Госпадавым, на дзядзінцы дому Бога нашага.

3Хваліце Госпада, бо Госпад добры; спявайце псальмы імю Яго, бо яно мілае.

4 Паўт. Зак. 7:6 Бо Госпад выбраў сабе Якуба, Ізраэля на ўласнасць Сваю.

5 Пс. 97:9 Бо я спазнаў, што вялікі Госпад, і Бог наш за ўсіх багоў.

6Усё, што толькі захоча Госпад, здзейсніць Ён на небе і на зямлі, на моры і ва ўсіх глыбінях вадзяных.

7 Ярэм. 10:13 Прыганяе хмары з канца зямлі, выклікае дождж маланкамі; выводзіць Ён вятры з клецяў Сваіх.

8 Вых. 12:29 Ён перабіў першынцаў у Егіпце, так людзей, як і жывёлу.

9Паказаў знакі і цуды пасярод цябе, Егіпет, для фараона і для ўсіх слуг яго.

10Ён перабіў многа народаў паганскіх і забіў цароў дужых:

11Сэгона, цара амарэяў, і Ога, цара Басана і ўсе царствы Ханаанскія.

12А зямлю іх перадаў на пасяленне, на пасяленне Ізраэлю, Свайму народу.

13Госпадзе, вечнае імя Тваё; памяць пра Цябе — на ўсе пакаленні.

14Бо Госпад апякуецца над народам Сваім і злітуецца над слугамі Сваімі.

15 Пс. 115:4-8 Ідалы паганаў — гэта срэбра і золата, творы рук людскіх:

16маюць вусны, а не гавораць; маюць вочы, а не бачаць;

17маюць вушы, а не чуюць, і няма подыху ў вуснах іх.

18Падобнымі да іх ёсць тыя, што іх робяць, кожны, што спадзяюцца на іх.

19Доме Ізраэля, дабраслаўляйце Госпада; доме Аарона, дабраслаўляйце Госпада;

20доме Леві, дабраслаўляйце Госпада; вы, што шануеце Госпада, дабраслаўляйце Госпада!

21Дабраславёны Госпад з Сіёна, Які жыве ў Ерузаліме. Алілуя.