1Бо ўсякі першасвятар, з людзей абраны, для людзей ставіцца ў тым, што Божае, каб складаў дары і ахвяры за грахі,
2каб мог спачуваць тым, што не ведаюць і заблукалі, бо ён і сам абложаны нядужасцю,
3 Святар. 9:7 дзеля яе ён павінен нейкім чынам як за народ, так і за сябе самога складаць ахвяры за грахі.
4 Вых. 28:1 Ніхто сам сабе не возьме гэтай пашаны, але той, хто пакліканы Богам, як Аарон.
5 Пс. 2:7; Ян. 8:54 Так і Хрыстос не Сам Сябе ўславіў, каб стацца Першасвятаром, але Той, Які сказаў Яму: «Ты – Сын Мой, Я сёння нарадзіў Цябе»,
6 Пс. 110:4 як у іншым Ён кажа: «Ты – Святар навекі на ўзор Мэльхісэдэха».
7 Мц. 26:39; Мк. 14:35; Лк. 22:41; Ян. 12:27 Ён у дні цела Свайго моцным голасам і са слязамі прыносіў малітвы і просьбы Таму, Які мог збавіць Яго ад смерці, і выслуханы быў дзеля Сваёй богаадданасці.
8 Плп. 2:7 І вось, хоць быў Сынам, навучыўся з таго, што перацярпеў, паслухмянасці
9і, выканаўшы, стаўся для ўсіх паслухмяных Яму прычынай збаўлення вечнага,
10названы Богам Першасвятаром на ўзор Мэльхісэдэха.
11 Мц. 13:15; Ян. 16:12 Пра Яго многа нам трэба было б гаварыць, але цяжка выказаць гэта, бо сталіся вы няздольнымі слухаць.
12 Ян. 3:10; 1Кар. 3:1; 1Пёт. 2:2 Адносна часу вы павінны б быць настаўнікамі, а вось, вы зноў патрабуеце, каб хто вас вучыў пачаткам слоў Божых, і вы такія, што вам малако належыцца, а не цвёрдая страва.
13 1Кар. 13:11; Эф. 4:14 Кожны з вас, хто корміцца малаком, несвядомы ў слове справядлівасці, бо ён – дзіцятка.
14 Эф. 4:13; Плп. 1:9 Для дарослых жа цвёрдая страва, для тых, хто праз ужыванне маюць спрактыкаваныя пачуцці, каб разабрацца, што добрае, а што благое.
Who We AreWhat We EelieveWhat We Do
2025 by iamachristian.org,Inc All rights reserved.
