Першы ліст да Карынцянаў Раздзел 1 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Дзеі 18:17; Рым. 1:1; 2Кар. 1:1; Эф. 1:1; Клс. 1:1 Паўла, з волі Божай пакліканы Апостал Ісуса Хрыста, ды брат Састэн

2 Ян. 17:19 Божай царкве, што ў Карынце, асвечаным у Ісусе Хрысце ды пакліканым святым разам з усімі, што прызываюць імя Госпада нашага Ісуса Хрыста ў кожным месцы, у іх ды ў нас:

3 1Пёт. 1:2 ласка вам і супакой ад Бога Айца нашага і Госпада Ісуса Хрыста.

4 2Пёт. 3:18 Дзякую заўсёды за вас Богу майму, за ласку Божую, дадзенаю вам у Хрысце Ісусе,

5 2Кар. 8:7; Клс. 1:9 бо ў Ім вы ва ўсім сталіся багатымі, усякім словам і ўсякім веданнем,

6бо сведчанне Хрыстова ўмацавалася ў вас,

7 2Пёт. 3:12; Плп. 3:20; Ціт. 2:13 так што не маеце ніякай нястачы ласкі ў чаканні аб’яўлення Госпада нашага Ісуса Хрыста,

8 Плп. 1:6; Клс. 1:22; 1Тэс. 3:13 Які і ўмацуе вас да канца, каб былі без заганы ў дзень Госпада нашага Ісуса Хрыста.

9 Ян. 15:4 Верны Бог, Якім вы пакліканы да супольнасці з Сынам Яго Ісусам Хрыстом, Госпадам нашым.

10 1Пёт. 3:8; Рым. 15:5; 2Кар. 13:11; Плп. 2:1 Браты, у імя Госпада нашага Ісуса Хрыста малю вас, каб усе вы гаварылі адно і каб не было сярод вас падзелаў, каб вы былі дасканалымі, аднаго духа і аднае думкі.

11Бо тыя, што ў Хлоі, паведамілі мне пра вас, браты мае, што здараюцца між вамі спрэчкі.

12 Ян. 1:42 Я кажу тое, што кожны ў вас кажа: «Я Паўлаў», «Я Апалосаў», «Я Кіфаў», «А я Хрыстоў».

13 2Кар. 11:4; Эф. 4:5 Ці ж Хрыстос падзяліўся? Ці ж Паўла быў за вас укрыжаваны? Ці ў імя Паўлы вы ахрышчаны?

14 Ян. 4:2 Дзякую Богу, што, апрача Крыспа і Гая, я нікога з вас не ахрысціў,

15каб ніхто не казаў, што я хрысціў у маё імя.

16Праўда, ахрысціў я таксама дом Сцяпана. А больш не ведаю, ці ахрысціў яшчэ каго.

17 2Пёт. 1:16 Бо не паслаў мяне Хрыстос хрысціць, але несці добрую вестку; не ў мудрасці слова, каб не адмяніць крыжа Хрыстова.

18 Дзеі 17:18 Бо слова крыжа для тых, што ідуць у пагібель, ёсць вар’яцтва, а тым, што ідуць у збаўленне, – сіла Божая.

19 Іс. 29:14 Бо напісана: «Загублю мудрасць мудрых і кемлівасць разумных знішчу».

20 Ёў 12:17; Іс. 19:12; 33:18; 44:25 Дзе мудрэц? Дзе кніжнік? Дзе даследчык гэтага веку? Ці не зрабіў Бог мудрасць гэтага свету дурнотай?

21 Мц. 11:25 Калі ж свет мудрасцю не пазнаў Бога ў мудрасці Божай, дык спадабалася Богу праз вар’яцтва прапаведніцтва збавіць веруючых.

22 Мц. 12:38; Мк. 8:11; Ян. 2:18 Бо юдэі дамагаюцца знакаў, і грэкі шукаюць мудрасці;

23а мы прапаведуем Хрыста ўкрыжаванага, Які для юдэяў – згаршэнне, а для паганаў – вар’яцтва,

24 Рым. 1:4; Клс. 2:3 для тых жа, што пакліканы, ці з юдэяў, ці з грэкаў, Хрыстос – моц Божая ды мудрасць Божая.

25Бо тое, што неразумнае ў Бога, мудрэйшае за людзей, а што кволае ў Бога – мацнейшае за людзей.

26 Мц. 11:25; Ян. 7:48 Дык вы, браты, паглядзіце на ваша пакліканне, што няшмат з вас мудрых паводле цела, нямнога магутных, няшмат высакародных;

27 Мц. 11:25 але Бог выбраў неразумнае свету, каб пасароміць мудрых, і кволае свету, каб пасароміць магутных,

28 Лк. 1:52 і невысакароднае свету, і пагарджанае выбраў Бог, і тое, што нікчэмнае, каб знішчыць тое, што нечым ёсць,

29 Рым. 3:27 каб ніводнае цела не выхвалялася перад Богам.

30 Мц. 20:28 Дзякуючы Яму і вы ёсць у Хрысце Ісусе, Які ад Бога стаўся для нас мудрасцю, справядлівасцю, пасвячэннем і адкупленнем,

31 Ярэм. 9:24; 2Кар. 10:17 каб было, як напісана: «Хто хваліцца, хай Госпадам хваліцца».