1Мудрая жонка будуе дом свой, а неразумная разбурыць яго сваімі рукамі.
2Таго, хто ідзе вернай дарогай, адцураецца той, хто ідзе ганебным шляхам.
3У вуснах бязглуздага — дубец пыхлівасці, а вусны мудрых берагуць іх.
4Дзе няма быкоў, там стойла пустое; і шмат выгод — у моцы быка.
5 Высл. 12:17 Праўдзівы сведка не лжэ, а хітры сведка пашырае хлусню.
6Насмешнік шукае мудрасці і не знаходзіць, а для разважлівых веды даступныя.
7Ад бязглуздага чалавека адыдзі, бо не знойдзеш вуснаў разважлівых.
8Мудрасць разумнага — пазнанне свайго шляху, а неразумнасць бязглуздых — блуканне.
9Бязглуздыя не звяртаюць увагі на грэх, а сярод справядлівых застанецца ласка.
10Сэрца ведае гаркоту душы сваёй, і ў радасць яго не ўмяшаецца чужы.
11 Высл. 12:7 Дом бязбожнікаў разваліцца, а хорамы справядлівых будуць расці.
12 Высл. 16:25 Ёсць дарога, што здаецца чалавеку справядлівай, але ўрэшце рэшт вядзе яна да смерці.
13 Лк. 6:25 Сэрца змешваецца з сумам нават у час смеху, а смутак захоплівае канец радасці.
14Шляхамі сваімі будзе задаволены бязглузды, а чалавек добры будзе вышэй за іх.
15Легкаверны верыць кожнаму слову, а разважлівы абдумвае крокі свае.
16Мудры баіцца і пазбягае зла, а бязглузды злоўжывае і разлічвае на сябе.
17Нецярплівы зробіць бязглуздасць, а чалавек хітры — нявідны.
18Легкаверныя авалодваюцца бязглуздасцю, а разважлівыя вызначаюцца ведамі.
19Ліхія схіляюцца перад добрымі, а бязбожнікі — перад дзвярамі справядлівых.
20 Высл. 19:4, 7 Бедны будзе нявідны нават для свайго самага блізкага, а ў багатых — шмат сяброў.
21Хто адцураецца блізкага свайго — грашыць, а хто шкадуе бедных — шчасны.
22Ці не блукаюць тыя, што чыняць ліха? Міласэрнасць і праўда — для тых, хто робіць дабро.
23Ва ўсялякай працы будзе прыбытак, а слова вуснаў накіроўвае толькі да беднасці.
24Вянок мудрых — іх багацце, а неразумнасць бязглуздых — глупства.
25Верны сведка вызваляе душы, а крывадушнік — пашырае хлусню.
26У шанаванні Госпада — цвёрдая ўпэўненасць, і сынам Яго будзе надзея.
27 Высл. 10:27 Шанаванне Госпада — крыніца жыцця, што ўхіляецца ад путаў смерці.
28У мностве народа — годнасць цара, у невялікай колькасці народа — пагібель валадара.
29Хто цярплівы, тым кіруе вялікая разважлівасць; хто нецярплівы — павялічвае бязглуздасць.
30Жыццё для цела — здароўе сэрца, зайздрасць — гніенне касцей.
31Хто гоніць беднага — той упікае яго Творцу; шануе Яго той, хто шкадуе бедных.
32Уласнай сапсаванасцю будзе забіты бязбожнік, а справядлівы спадзяецца на несапсаванасць сваю.
33У сэрцы разважлівага знаходзіцца мудрасць, а сярод бязглуздых яна знойдзецца?
34Справядлівасць узвышае народ, а несправядлівасць — грэх народаў.
35Дапушчаны да цара — разумны слуга, а гнеў выклікае той, хто дзейнічае ганебна.
Who We AreWhat We EelieveWhat We Do
2025 by iamachristian.org,Inc All rights reserved.
