Евангелле паводле Яна Раздзел 16 - Кн?г? Святога П?сання - Б?бл?я - Б?бл?я — пераклад Чарня?скага (выданне 2017 года)（BelBC17）

1 Мц. 11:6 Гэта Я сказаў вам, каб вы не горшыліся.

2 Дзеі 8:1 Выключаць вас з сінагог; нават надыходзіць гадзіна, што кожны, хто забівае вас, будзе думаць, што паслугу Богу робіць.

3 Дзеі 13:27; Рым. 10:2; 1Кар. 2:8 А ўчыняць гэта вам, бо не пазналі ані Айца, ані Мяне.

4 Мц. 9:15 Але гэта сказаў Я вам, каб, калі надыдзе іх гадзіна, успомнілі пра тое, што Я вам сказаў. Не сказаў Я вам гэтага спачатку, бо быў з вамі.

5А цяпер іду да Таго, Хто Мяне паслаў, і ніхто з вас не пытаецца ў Мяне: “Куды ідзеш?”

6 Мц. 17:23 Але, калі б Я вам сказаў гэта, смутак напоўніў бы ваша сэрца.

7 Дзеі 2:33 Але Я вам кажу праўду: “Лепей для вас, каб Я пайшоў, бо, калі не адыду, Суцяшальнік не прыйдзе да вас; а калі адыду, пашлю Яго да вас.

8 Дзеі 2:1 І, калі Ён прыйдзе, выкрые свет аб граху, аб справядлівасці і аб судзе:

9у граху, што не вераць у Мяне,

10 Дзеі 2:32; Рым. 8:34 у справядлівасці, што іду да Айца Майго, ды ўжо Мяне не ўбачыце,

11 Клс. 2:15 і ў судзе, што князь гэтага свету асуджаны.

12 Мк. 4:33; 1Кар. 3:1 Многа яшчэ маю вам сказаць, але цяпер не можаце несці.

13 Мц. 10:19; Дзеі 2:4; Адкр. 1:19 Але калі прыйдзе Ён, Дух праўды, то навучыць вас усякай праўдзе; бо не ад Сябе гаварыць будзе, але, што толькі пачуе, тое скажа, ды, што мае быць, вам аб’явіць.

14 Клс. 2:2 Ён праславіць Мяне, бо з Майго возьме і вам абвесціць.

15 Мц. 11:27 Усё, што мае Айцец, Маё. Таму сказаў вам, што з Майго возьме і вам абвесціць.

16Яшчэ крыху, і ўжо не ўбачыце Мяне, і потым яшчэ крыху, і ўбачыце Мяне, бо Я іду да Айца”».

17Дык некаторыя з вучняў гаварылі між сабой: «Што гэта значыць, што Ён нам кажа: “Яшчэ крыху, і ўжо не ўбачыце Мяне, і потым яшчэ крыху, і ўбачыце Мяне”, і “Я іду да Айца”»?

18І казалі: «Што значыць, што кажа: “Яшчэ крыху”? Не ведаем, што гаворыць».

19Зразумеў Ісус, што хочуць пытацца Яго, дык сказаў ім: «Пытаецеся адзін аднаго пра тое, што Я сказаў: “Яшчэ крыху, і ўжо не ўбачыце Мяне, і потым яшчэ крыху, і ўбачыце Мяне”?

20 Мк. 16:10; Лк. 24:17 Сапраўды, сапраўды кажу вам, што вы будзеце плакаць і галасіць, а свет будзе весяліцца; вы сумаваць будзеце, але смутак ваш заменіцца ў радасць.

21Жанчына, калі нараджае, тужыць, бо надыходзіць яе гадзіна, а калі дзіця народзіць, ужо не памятае сваіх пакут з радасці, што чалавек на свет нарадзіўся.

22 Лк. 24:41; Дзеі 2:46; 1Пёт. 1:8 Так і вы, цяпер тужыце; але Я вас зноў убачу, і будзе радавацца сэрца ваша, і радасці вашай ніхто ўжо не адбярэ ад вас.

23 Мк. 11:24; Лк. 11:9; Як. 1:6 І ў той дзень ні пра што не будзеце ў Мяне пытацца. Сапраўды, сапраўды кажу вам: калі пра што будзеце прасіць Айца ў імя Маё, дасць вам.

24 Мц. 7:7; 1Ян. 3:22 Дасюль нічога не прасілі ў імя Маё. Прасіце і атрымаеце, каб радасць ваша была поўнай.

25 Дзеі 1:3 Гэта ўсё расказваў вам у прыпавесцях; прыходзіць гадзіна, што ўжо не ў прыпавесцях расказваць буду вам, але яўна абвяшчу вам пра Айца.

26У той дзень у імя Маё прасіць будзеце, і не кажу Я вам, што Я буду прасіць Айца за вас;

27бо Сам Айцец любіць вас, бо вы Мяне палюбілі ды ўверылі, што Я ад Бога выйшаў.

28Я выйшаў ад Айца і прыйшоў у свет, і зноў пакідаю свет і іду да Айца».

29 Мк. 8:32 Кажуць Яму вучні Яго: «Вось, цяпер адкрыта гаворыш ды ніякай прыпавесці не расказваеш.

30Цяпер мы ведаем, што ўсё ведаеш і не трэба Табе, каб хто ў Цябе пытаўся; дзеля таго верым, што Ты ад Бога выйшаў».

31Адказаў ім Ісус: «Цяпер верыце?

32 Мц. 26:31; Мк. 14:27 Вось жа, надыходзіць гадзіна, і ўжо надышла, калі расцярушыцеся кожны ў свой, а Мяне аднаго пакінеце; але Я не адзін, бо Айцец са Мной.

33 Рым. 5:1; 1Кар. 15:57; Эф. 2:14; 1Ян. 5:4 Гэта Я вам сказаў, каб вы мелі супакой ува Мне; у свеце будзеце мець прыгнёт, але будзьце пэўныя: Я перамог свет».